«Fırýzanyń komandasy myqty, baısaldy adamdardan quralǵanyna kúmánim joq. Olarmen jumys isteý ońaıǵa soqpaıdy. Onyń komandasyna bizdiń Fırýzany Ketıden bólek qonaq úıge ornalastyrǵanymyz unamaıdy. Qonaq úıdiń salqyn ekenin aıtyp shaǵymdandy. Sport zal máselesinde de daý týyndady. Qazirgi jaǵdaıǵa baılanysty qonaq úılerdegi sport zaldar jabyq ekenin bilesizder ǵoı.
Biraq olar bárine muqııat zer salady. Men promoýter retinde talaı adamdy kútip aldym. Olar: «Jaǵdaı jasaǵandaryńyz úshin rahmet» degen sózden ózge áńgime aıtpaıtyn. Alaıda Fırýzanyń komandasynyń ustanymy basqasha. «Biz bárin durys isteýimiz kerek. Bul jekpe-jekte jeńiske jetýge tıispiz. Sondyqtan qandaı da bir kishkentaı kedergiler aldymyzdan shyqpaýy shart» degen oıda júredi eken. Munyń ózi olardyń Ulybrıtanııaǵa rıngke shyǵyp aqsha tabýǵa kelmegendigin, tek qana jeńiske umtylatynyn ańǵartady», deıdi promoýter.
Esterińizge sala keteıik, jeńil salmaq dárejesindegi álemniń absolıýtti chempıony ataǵy sarapqa salynatyn Ketı Teılor men Fırýza Sharıpova arasyndaǵy kezdesý 11 jeltoqsannan 12 jeltoqsanǵa qaraǵan túni Lıverpýl qalasynda ótedi.
