Aıta ketý kerek, Túrkııa Respýblıkasynyń eks Premer-mınıstri, Túrkııa Uly Ulttyq Májilisiniń eks tóraǵasy Bınalı Iyldyrym qarasha aıynda Ystanbulda ótken sammıtte Aqsaqaldar keńesiniń múshesi bolyp taǵaıyndalǵan. Sonymen qatar, Aqsaqaldar keńesiniń Qazaqstan tarapynan múshesi bolyp Qazaqstan Respýblıkasynyń Prezıdenti Qasym-Jomart Toqaevtyń usynysymen belgili memleket jáne qoǵam qaıratkeri Ikram Adyrbekov bekitildi.
Keleli kezdesýge TMU Aqsaqaldar keńesiniń Túrkııa tarapynan múshesi Bınalı Iyldyrym, Halyqaralyq Túrki akademııasynyń prezıdenti Darhan Qydyráli, Aqsaqaldar keńesiniń Qazaqstan tarapynan múshesi Ikram Adyrbekov, tanymal ǵalym, professor Ádil Ahmetov, Túrki memleketteri uıymy Bas hatshysynyń orynbasary О́mer Kojaman, Túrkııanyń Qazaqstandaǵy Tótenshe jáne О́kiletti elshisi Ýfýk Ekıjı, tanymal jýrnalıst, doktor, professor Kúrshad Zorlý, Qoja Ahmet Iаsaýı ýnıversıteti О́kiletti keńesiniń tóraǵasy Mýhıttın Shımshek, QR Syrtqy ister mınıstrligi, Taıaý, Orta Shyǵys jáne Afrıka departamenti, Kópjaqty yntymaqtastyq basqarmasynyń basshysy Mereı Muqajan, basqa da delegasııa músheleri qatysty.
Kezdesý sońynda Bınalı Iyldyrymdy uıym basshysy Darhan Qydyráli Halyqaralyq Túrki akademııasynyń Altyn medalimen marapattap, arnaıy qurmet kórsetti. 2002-2016 jyldary Túrkııanyń kólik, teńiz joldary jáne baılanys mınıstri qyzmetin atqarǵan Bınalı Iyldyrym baýyrlas elder arasyndaǵy qarym-qatynastyń nyǵaıýyna eleýli úles qosty.
