Eleýsinov – álem chempıony!

Basty aıqasqa deıin birneshe qazaq­standyq boksshy sharshy alańǵa kóterilip, sport saraıyna jınalǵan jankúıerler men teledıdar arqyly taqym qysyp otyr­ǵan kórermenge tartysty jekpe-jek usyn­dy.

Boks keshiniń shymyldyǵyn otandasymyz Elhan Tabynbaev (2-0, 1 KO) ashyp berdi. Ázerbaıjan ókili Elmar Abdýl­laevpen qolǵap túıistirgen Elhan tóreshilerdiń biraýyz sheshimimen jeńiske jetti. Kásipqoı bokstaǵy karerasyn jeńilispen bastaǵan jerlesimiz osylaısha qatarynan úshinshi jeńisine qol jetkizdi. Tabynbaevtan soń rıngke shyqqan birinshi jartylaı orta salmaqtaǵy qazaqstandyq Aqnıet Álimbaı da 19 jastaǵy ózbek­standyq qarsylasy Zaınobıddın So­bı­rovtan tórt raýnd qorytyndysy bo­ıyn­sha upaı sanymen basym tústi.

Úshinshi bolyp sharshy alańǵa kóte­rilgen Asqat Jantursynov (5-0, 4 KO) jerlesteriniń jeńisti jolyn jalǵaı almady. Kásipqoı bokstaǵy tyrnaqaldy jekpe-jegin ótkizgen ázerbaıjandyq boks­shy Sýrat Garaev alty raýndtyń qo­ry­tyndysy boıynsha tóreshilerdiń she­shimimen jeńiske jetti.

Kezinde 75 kılo salmaqta el chempıony atanyp, ulttyq qurama sapynda bir­qatar baıraqty básekede el namysyn qor­ǵaǵan Saparbaı Aıdarov da keshegi boks keshinde óziniń altynshy kezdesýin ótkizip, qarsylasyn esh kúmánsiz jeńdi. Ekinshi orta salmaqta judyryqtasatyn ol ýkraınalyq Andreı Shemetovpen (6-1-1, 4 KO) kezdesti. Alty raýndqa josparlanǵan aıqas Aıdarovtyń paıdasyna aıaqtaldy. Sonymen qatar Dáýlet Dáýkenov te ózbek­standyq qarsylasyn upaı sanymen qapy qaldyrdy.

Boks keshindegi alǵashqy nokdaýn al­tynshy juptyń jekpe-jeginde tir­keldi. Qazaqstandyq Aıdar Sháribaev (8-1, 7 KO) reseılik Shohrýh Abdıevti (9-2-1, 3 KO) úshinshi raýndta eki márte eseń­giret­kenimen, eki boksshy da tolyq alty raýnd judyryqtasyp shyqty. Nátı­je­sin­de, Sháribaev upaı sanymen basym tústi.

Táýelsizdik kúnine arnalǵan boks keshinde qyzdar da sharshy alańda óz ónerl­erin ortaǵa saldy. Ulttyq qura­madaǵy daý-damaıǵa baılanysty kásipqoı boksqa aýysýǵa májbúr bolǵan Angelına Lýkas debıýt jekpe-jeginde jeńiske jetti. Ýkraınalyq debıýtant Svetlana Vasılevskaıamen judyryqtasqan ol tórt raýndtyń qorytyndysy boıynsha tóre­shilerdiń sheshimimen úzdik dep tanyldy.

Bir qyzyǵy, boks keshi aıaqtalmaı jatyp-aq Lýkas-Vasılevskaıa aıqasy osy keshtiń úzdik jekpe-jegi dep tanylyp, ekeýine 5 myń AQSh dollary kóleminde qarjylaı syıaqy tabystaldy.

Dáýren Eleýsinov osy boks keshiniń negizgi jekpe-jekterimen qosa, merziminen buryn aıaqtalǵan kezdesýler serııasyn da bastap berdi. Kásipqoı boksta 12-shi kezdesýin ótkizgen Eleýsinovterdiń úlkeni ázerbaıjandyq Álı Mammadovty (13-4, 3 KO) úsh raýnd boıy aýyr soqqynyń astyna alyp, qarsylasyn bas kótertpedi. Ázerbaıjandyqtyń jekpe-jekti ári qaraı jalǵastyrsa ómirine qaýip tónetinin es­ker­gen tóreshi aıqasty merziminen bu­ryn toqtatýǵa májbúr boldy.

Dáýrennen keıin sharshy alańǵa shyqqan Janqosh Turarov (24-0, 17 KO) qarsylasyn nebári 45 sekýndta sulatyp saldy. Mysyrdan kelgen Abdýmon Saıd (22-1-1, 11 KO) otandasymyzǵa bir mınýt ta qarsylyq kórsete almady. Janqoshtyń sol qolymen ishten urǵan aýyr soqqysynan keıin qarsylasy eki búktelip, ornynan tura almaı qaldy. Sóıtip, 10 raýndqa josparlanǵan báseke birinshi raýndtyń birinshi mınýty aıaqtalmaı jatyp óz máresine jetti.

Boks keshi aıasynda ekinshi jeńil sal­maqtaǵy Erjan Zalılov (12-3-2, 6 KO) pen Eskendir Harsan araǵa 20 jyl salyp Qazaqstan chempıony ataǵyn sarapqa saldy. Eki boksshy alǵashqy raýnd­ty teń dárejede ótkizgenimen, bar másele ekinshi raýndtyń sońynda she­shildi. Boks­shylardyń úziliske shy­ǵýyna 30 sekýnd qalǵanda Zalılovtiń sol qo­lymen jasaǵan soqqysy Eskendirdi aýyr nokaýtqa jiberdi. Soqqynyń aýyr bol­ǵany sonshalyqty Harsan uzaq ýaqyt ózine kele almaı, rıng ortasynan tura almaı jatty. Dárigerlerdiń kómeginen keıin ǵana boksshy ózine kelip, ári qaraı ony aýrý­hanaǵa alyp ketti.

Aýyr salmaqtaǵy boksshymyz Ivan Dychko da (10-0, 10 KO) merziminen buryn jeńiske jetti. Kásipqoı boksta 11-shi aıqasyn ótkizgen ol reseılik Aleksandr Ýstınovpen (36-5-1, 27 KO) kezdesip, teh­nıkalyq nokaýtpen basym tústi. Dych­konyń serııaly soqqylarynan keıin reseılik boksshynyń bapkerleri sharshy alańǵa oramal laqtyryp, shákirtiniń jeńilgenin moıyndady. Osylaısha, Ivan Dychko 11-shi aıqasyn da erte aıaqtady.

Dychkonyń jarqyn jeńisinen keıin jankúıerler kópten kútken Danııar Eleýsinov (10-0, 6 KO) pen argentınalyq Hýan Ernan Leao (15-1, 4 KO) IBO tujy­rymynyń altyn belbeýin sarapqa salǵan negizgi jekpe-jek bastaldy.

Danııar birinshi mınýttan belsendi qımyldap, sharshy alańnyń qojaıyny kim ekenin birden ańǵartty. Ekinshi raýndta qarqynyn arttyrǵan Eleýsinov Ońtústik Amerıkadan kelgen qarsylasyn eki ret eseńgiretip aldy. Biraq tez es jıyp úlgergen Leao kezdesýdi ári qaraı jal­ǵastyrýǵa daıyn ekenin aıtty. Keıingi úsh mınýtta da argentınalyq taǵy bir ret nokdaýnǵa tústi.

Hýan Ernan Leao alǵashqy úsh raýndta úsh márte nokdaýn alǵanyna qaramastan tolyq 12 raýnd judyryqtasyp shyqty. Keıingi raýndtarda Eleýsinov te qarsy­lasyna esh amal-aıla jasaı almady. 12 raýndtyń qorytyndysy boıynsha tóre­shiler jeńisti biraýyzdan Eleýsinovke berip, qazaq boksshysy jartylaı orta salmaqta IBO chempıony atandy.

Osylaısha, Danııar Eleýsinov tolyq­qandy bes chempıondyq belbeýdiń bireýin ıelengen besinshi qazaqstandyq boks­shynyń qataryna qosyldy. Munyń aldynda IBO tujyrymynyń chempıondyq beldigin Vasılıı Jırov, Gennadıı Golovkın, Janat Jaqııanov pen Beıbit Shúmenov jeńip alǵan edi.