«Nomınaly 100 teńgelik melhıordan jasalǵan monetalar «Asa kórnekti oqıǵalar men adamdar» serııasyn jalǵastyrýda. Bıyl Qazaqstanda qazaq balýany Qajymuqan Muńaıtpasovtyń 150 jyldyǵy toılanady», dep jazady QR Ulttyq Bankiniń baspasóz qyzmeti.
Monetalardyń aversindegi ortalyq bóliginde Qazaqstan Respýblıkasynyń Memlekettik eltańbasy beınelengen. Eltańbanyń sol jáne oń jaǵynda ulttyq oıý-órnek elementteri ornalasqan. Aınaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazý bar. Tómengi bóliginde monetanyń nomınalyn bildiretin 100 TEŃGE jazýy bar.
Monetanyń syrt jaǵynda Qajymuqan Muńaıtpasovtyń portrettik beınesi, portrettiń sol jaǵynda - mereıtoılyq kúndi bildiretin 150 JYL jazýy, oń jaǵynda - sporttyq kúrestiń sıýjettik fragmenti jáne daıyndalǵan jylyn bildiretin «2021» jazýy, monetanyń aınaldyra sol jaǵynda - QAJYMUQAN MUŃAITPASULY jazýy ornalastyrylǵan.
Kolleksııalyq monetalardyń massasy - 15 gramm, dıametri - 33 mm. Nomınaly 100 teńge, taralymy 15 000 dana melhıor MN 25 qorytpasynan daıyndalǵan monetalar brilliant uncirculated sapasymen ázirlengen.
«Monetalar kolleksııalyq quny boıynsha satýǵa arnalǵan. Olar Qazaqstan Respýblıkasynyń búkil aýmaǵynda tólemderdiń barlyq túrleri boıynsha, sondaı-aq bank shottaryna esepteý úshin, Qazaqstan Respýblıkasynyń barlyq bankterinde aýdarý, bólý jáne aıyrbastaý úshin ózderiniń belgilengen quny boıynsha qabyldaýǵa mindetti», dep tolyqtyrdy QR Ulttyq Bankiniń baspasóz qyzmeti.
