Qazaqstan • 21 Jeltoqsan, 2021

Senatta ólim jazasyn tolyqtaı joıý máselesi talqylandy

95 ret kórsetildi

Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda depýtattar «Qazaqstan Respýblıkasynyń keıbir zańnamalyq aktilerine ólim jazasyn joıý máselesi boıynsha ózgerister men tolyqtyrý engizý týraly» zań jobasyn talqylady, dep habarlaıdy Egemen.kz Senattyń baspasóz qyzmetine silteme jasap.

Bıylǵy 16 qarashada Memleket basshysy Qasym-Jomart Toqaev Ulttyq qoǵamdyq senim keńesiniń otyrysynda Qazaqstanda ólim jazasyn tolyǵymen alyp tastaý kerektigin aıtqan bolatyn. Osyǵan baılanysty zań jobasynda ólim jazasy túrindegi jazany alyp tastaý jóninde túzetýler kózdelip otyr.

Qujat Azamattyq jáne saıası quqyqtar týraly halyqaralyq paktiniń Ekinshi Fakýltatıvtik hattamasyna sáıkes ázirlendi. Endi elimizdiń zańnamasyndaǵy ólim jazasy túrindegi, onyń ishinde soǵys ýaqytynda jasalǵan áskerı sıpattaǵy asa aýyr qylmystarǵa jazany tolyqtaı alyp tastaý usynyldy.

Senatorlar komıtet otyrysy barysynda elimizde ólim jazasynyń tolyq joıylýy – adam quqyqtaryn qamtamasyz etýge jáne konstıtýsııalyq eń joǵary qundylyq – ómir súrý quqyǵyna kepildik berýge yqpal etetinin atap ótti.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar