Álem • 22 Jeltoqsan, 2021

Álemde koronavırýstan ólim deńgeıi 9 paıyz qysqardy - DDU

56 ret kórsetildi

О́tken aptanyń ishinde álem boıynsha 4,1 mln astam adam koronavırýs juqtyryp, 44 myńnan astamy qaıtys boldy. Dúnıejúzilik densaýlyq saqtaý uıymy (DDU) taratqan málimetke saı, vırýs juqtyrý jańa oqıǵalarynyń sany aldyńǵy aptamen salystyrǵanda 2 paıyz, al odan bolǵan ólim oqıǵalary – 9 paıyz qysqardy, dep habarlaıdy Egemen.kz.



DDU-nyń apta saıynǵy epıdemıologııalyq bıýlleteninde keltirilgen statıstıkalyq málimet boıynsha, 13-19 jeltoqsan aralyǵynda qaýipti vırýs juqtyrǵan 4 177 622 adam anyqtalyp, 44 616 ólim oqıǵasy tirkeldi. Bul aldyńǵy aptaǵa qaraǵanda tıisinshe 2 jáne 9 paıyz az.

Sonymen birge, Afrıkada koronavırýs juqtyrýdyń (53 paıyz) jáne odan bolǵan ólim oqıǵalary sanynyń (15 paıyz) aıtarlyqtaı ósimi tirkeldi. Afrıkadan basqa, aýrý juqtyrý deńgeıi Batys-Tynyq muhıty aımaǵynda da ósken (12 paıyz).

Qaýipti vırýske shaldyǵý oqıǵalarynyń 63 paıyzy Eýropada tirkelgen, al odan bolǵan ólim oqıǵalary 60 paıyzdy qurap otyr. Sonymen birge, onda aýrý juqtyrý deńgeıi 3 paıyz, al ólim-jitim deńgeıi – 7 paıyzǵa qysqarǵan. Amerıkada koronavırýs juqtyrý jańa oqıǵalarynyń sany 10 paıyz, al Ońtústik-Shyǵys jáne Shyǵys Jerorta teńizi aımaǵynda – 12 paıyz qysqardy.



Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar