Olardy jumyspen qamtý úshin 764,7 myń járdemdesý sharalary uıymdastyryldy. Nátıjesinde 470,2 myń adam jumysqa ornalastyryldy, onyń 359 myńy turaqty jumysqa turdy.
Baǵdarlamanyń birinshi baǵyty aıasynda qysqa merzimdi kýrstarǵa 16,9 myń adam, TjKB boıynsha oqýǵa 15 myń adam jiberildi.
8,4 myń adam óz isin ashý úshin jeńildetilgen mıkrokredıtter, al 28,2 myń adam qaıtarymsyz memlekettik grant aldy.
Sýbsıdııalanatyn jumys oryndaryna 177,8 myń adam jumysqa ornalastyryldy. Onyń ishinde:
áleýmettik jumys oryndaryna 18,2 myń adam;
jastar praktıkasyna – 26 myń adam;
qoǵamdyq jumystarǵa – 133,5 myń adam.
Eńbek resýrstarynyń utqyrlyǵy sheńberinde 2 092 otbasy nemese 7 016 adam qonys aýdardy, onyń ishinde 2 610 adam eńbekke qabiletti jasta. 2 067 adam jańa turǵylyqty jerinde turaqty jumysqa ornalastyryldy jáne 172 adam kásipkerlik qyzmetpen aınalysady, 7 adam oqýǵa jiberildi.
Esterińizge sala keteıik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappaı kásipkerlikti damytýǵa 12,7 myń mıkrokredıt jáne jańa bıznes-ıdeıalardy iske asyrýǵa 44,9 myń qaıtarymsyz memlekettik grant berildi.
Qysqa merzimdi oqytý kýrstaryna 18,7 myń adam jiberildi, al TjKB uıymdarynda oqytýmen 18,4 myń adam qamtylǵan.
Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden 1,8 myń otbasy qonys aýdardy.
