«Agronomǵa arnalǵan planshetti» D.Serikbaev atyndaǵy Shyǵys Qazaqstan tehnıkalyq ýnıversıtetiniń ǵalymdary ázirledi. Tehnıka ǵylymynyń doktory Valentına Kolpakova: «Agronomǵa arnalǵan planshet» qosymshasy – úıde de, dalada da jumys isteýge arnalǵan ámbebap qosymsha. Bul aýylsharýashylyq jumystarynda portatıvti elektronıkanyń artyqshylyqtaryn paıdalanýǵa múmkindik beredi. О́rister tarıhy, kartalar, anyqtamalyqtar jáne basqa qujattardyń muraǵattarda saqtalýy mamandardyń sheshim qabyldaý prosesin jeńildetedi. Qosymshada aýyl sharýashylyǵy alqaptarynyń jaı-kúıi týraly aqparat pen egis jumystaryn odan ári josparlaý jónindegi usynymdar da bar», deıdi.
Ǵalymnyń aıtýynsha, tehnologııa agronomdarǵa aýylsharýashylyq alqaptaryndaǵy jaǵdaıdy baqylaýǵa múmkindik beredi, sonyń negizinde yqtımal táýekelderdi eskerip, ekonomıkalyq tıimdi sheshimder qabyldaýǵa bolady.
Atalǵan joǵary oqý ornynyń zertteýshileri planshetke qosa elimizdegi agronomdarǵa sý tasqynyn monıtorıngilep, boljaýǵa kómektesetin elektrondy resýrs ázirledi. Elektrondy júıede ınfraqurylym obektileriniń sıfrly, koordınattyq jáne kartografııalyq derekteri bar.
«Shyǵys Qazaqstan oblysynda belgili bir kezeńde ózender arnasynan shyǵyp, kentter men turǵyn úılerdi sý basý qaýpi týady. Sondyqtan bizdiń aldymyzda ózenderdegi sý deńgeıin baqylaý tıimdiligin arttyratyn jáne maýsymdyq sý tasqynyn boljaýǵa múmkindik beretin keshendi aqparattyq-taldaý júıesin ázirleý mindeti turdy. О́zen gıdravlıkasyn jáne yqtımal sý basý aımaqtaryn dál modeldeý úshin biz MIKE baǵdarlamalyq keshenin, sondaı-aq ArcGIS, QGIS, NextGIS zamanaýı geoaqparattyq júıelerin paıdalanamyz. Bul tótenshe jaǵdaıdy boljaý sapasyn jaqsartýǵa jaǵdaı jasaıdy. Nátıjesinde biz sý tasqyny men eldi mekenderdi sý basýdyń aldyn alý úshin qajetti tolyq aqparat alamyz», dedi ǵalym, PhD doktory Marjan Toǵyzova.
