Máselen, jeke tulǵalardan janýarlarǵa qatygezdikpen qaraǵany úshin aıyppul endi 5 AEK-ti, al laýazymdy tulǵalarǵa – 10 AEK-ti quraıdy. Qoldanystaǵy zańdy qaıta buzǵany úshin aıyppul somasy 4 esege artady.
Sonymen qatar senatorlar qabyldaǵan zańda janýarlardy qorǵaýshylardyń usynystary eskeriledi. Okeanarıýmder, delfınarııler men janýarlar kórmelerin qurýǵa jáne olardyń qyzmetine tyıym salynady. Alaıda, mundaı bıznestiń ıeleri óz bıznesterin joıý nemese qaıta qurý úshin bul norma 2025 jyldan bastap, al delfınarııler úshin 2029 jyldan bastap kúshine enedi. Sondaı-aq zań boıynsha azamattar men qoǵamdyq uıymdar júzege asyratyn qoǵamdyq baqylaý ınstıtýty da engiziledi.
«Memleket basshysy Joldaýda janýarlardy qorǵaýǵa qatysty quqyqtyq qatynastardy zańnamalyq turǵydan retteý qajettigin aıtqany belgili. Osy oraıda búgingi kúni qabyldanǵan zańdar janýarlarǵa jaýapkershilikpen qaraý, olardyń ıeleriniń mindetteri, jergilikti ókildi jáne atqarýshy organdardyń osy baǵyttaǵy quzyretterin retteıtin qaǵıdattardy bekitýge baǵyttalǵan», dep atap ótti Senat Tóraǵasy.
