Erbol Qarashókeev Aýyl sharýashylyǵy mınıstrliginiń Memleket basshysynyń agroónerkásiptik keshendi odan ári damytý boıynsha alǵa qoıǵan mindetteri aıasynda aǵymdaǵy kezeńniń birqatar negizgi jáne ózekti máselelerin sheshý boıynsha júrgizip jatqan jumysy týraly habardar etti.
Mınıstr veterınarııa júıesin reformalaý qolǵa alynǵanyn aıtty.
«Búgingi tańda biz osy júıeniń qazirgi jaǵdaıyn muqııat taldadyq, problemalyq máseleler men olardyń paıda bolý sebepterin anyqtadyq. Osy negizde olardy sheshýdiń tásilderi ázirlendi. Atap aıtqanda, endi veterınarııa júıesindegi barlyq baqylaý-qadaǵalaý fýnksııalary bir vedomstvoda, atap aıtqanda, Aýyl sharýashylyǵy mınıstrliginiń Veterınarııalyq qadaǵalaý jáne baqylaý komıtetinde shoǵyrlandyrylatyn bolady», dep habarlady Erbol Qarashókeev.
AShM basshysy jergilikti atqarýshy organdardyń veterınarlyq qyzmetteri tek atqarýshylyq fýnksııalardy oryndaıtynyn aıtty.
«Ekinshiden, kelesi jyldan bastap praktıkalyq mal dárigerleriniń jalaqysy orta eseppen 68%-ǵa ósedi», dep atap ótti Erbol Qarashókeev.
