Tek osy jyldyń qarasha aıynda polısııa qyzmetkerleri basqa arnaıy qyzmettermen birlesip, eki jalǵan shaqyrtýdy tekserdi.
17 qarashada О́skemen qalasy PB 102 jedel arnasyna qalanyń 50 jastaǵy turǵyny habarlasyp, terrorlyq áreket týraly habarlaǵan. Biraq, oqıǵa ornynan eshteńe tappaǵan.
Habarlasqan azamat ázildep, polısııaǵa telefon soqqany belgili boldy. Birneshe kúnnen keıin taǵy da 46 jastaǵy qala turǵyny Lıharev kóshesindegi úıdiń kireberisteriniń birinde jarylǵysh zat salynǵanyn habarlady. Tekserý kezinde bul aqparat rastalmady. Tergeý barysynda anyqtalǵandaı, bul eki adam qońyraý shalǵan sátte mas kúıde bolǵan eken.
Osy faktiler boıynsha Qazaqstan Respýblıkasy Ákimshilik quqyq buzýshylyq týraly kodeksiniń 438-babyna sáıkes (Arnaýly qyzmetterdi kórineý jalǵan shaqyrý) boıynsha ákimshilik hattamalar toltyryldy. Ár quqyq buzýshyǵa 30 AEK mólsherinde aıyppul taǵaıyndaldy. Budan basqa, osy baptyń sanksııasymen buzýshylyqty qaıta jasasa, 60 AEK mólsherinde aıyppul kózdelgen. Al kámeletke tolmaǵan azamat osy buzýshylyqty jasaǵan jaǵdaıda, 15 AEK mólsherinde aıyppul ata-anasyna taǵaıyndalady.
ShQO Polısııa departamenti qoǵamdyq rezonans pen yqtımal saldarlardy eskere otyryp, mundaı quqyq buzýshylyqtar úshin QR QK-niń 273-baby (Terrorızm aktisi týraly kórineý jalǵan habarlaý) boıynsha qylmystyq jaýapkershilik kózdelgenin eskertedi. Onyń sanksııasynda 5 jylǵa deıin bas bostandyǵynan aıyrý jazasy kózdelgen.
