Jarqyn beles

Tipti tól tarıhymyzdyń qys­qa da nusqa ensıklope­dııa­sy, egemen elimizdiń shymyr da shynaıy jylnamasy deýge bolady. Onyń ústi­ne, Táýelsizdigimizdiń 30 jyl­dyq mereıtoıyna oraı jaryq kórgendigi maqalanyń tanym­dyq, ıdeologııalyq, tárbıelik ma­ńyzyn odan beter arttyryp otyr. Onda keń kólemdi ekonomıkalyq, áleýmettik tal­daý jasalýymen qatar, qol jetken tabystarymyzǵa, rýhanı bolmysymyzǵa,  Qazaqstan halqynyń birligi men qoǵam­dyq turaqtylyǵynyń orasan zor úlesine tıisti baǵa berildi, alda­ǵy ýaqytqa salıqaly baǵyt-baǵdar belgilendi. El­ba­­synyń «Táýelsizdik te baqyt sııaqty, baǵalaǵan adam­nyń, aıalaǵan qoǵamnyń qoly­na turaqtaıdy. Halqy tatý, ekonomıkasy qýatty, saıası júıesi turaqty, mártebe­si bıik, abyroıy asqaq Qazaqs­tan­nyń bolashaǵy keshegiden kemel, búgingiden nurly eken­digine kámil senemin», degen tujyrymy ár qazaqs­tan­dyq­tyń oıynan shyqqan sóz der edim.

Tamasha taǵylymǵa tunyp turǵan, jas urpaqqa tárbıe­lik máni zor, maǵynaly maqa­la­nyń óne boıynda uǵa biler kókirekke sáýle túsiretin shu­ǵy­­laly tustar az emes. Alash jurtynyń azattyq jolyn­daǵy qııan-keski kúresi, táýel­sizdik jyldaryndaǵy jalaý­ly jeńister men jan súısinter jetistikter, Máńgi­lik el qurý jolyndaǵy asqa­ra­ly mindetter kórinis tapqan. Tuǵyrymyzdy bıiktetetin taǵ­y­lymdy jol bar. Sol jol­dyń arnasyn keńeıtý, abyroıly bıikke jetkizý bir adamnyń emes, baıtaq eldiń arqalar júgi. Myń túrli taǵdyrdyń soqqysyn jese de, erteńgi kúnge degen úmit oty kókireginde alaýlap turatyn bizdiń halqymyz boıyndaǵy ǵajaıyp qasıetterinen esh ýaqytta arylǵan emes. Keshegi almaǵaıyp kúnde de ejelgi ádetinen tanbady. Mine, osy ýaqytta Nursultan Ábishuly qazaqqa tán danalyq pen daralyqtyń úlgisin kórsetip, eli men jerin qalaı súıý kerek­tigin uqtyra bildi. Beıne­lep aıtqanda, aıqyn jol silter, naqty baǵyt kórseter temirqazyq ispetti.    

Kólemdi maqalada aı­tyl­­ǵan salmaqty tolǵam­dar­dyń barlyǵy kóńilge asa qonymdy áńgime boldy. Olardyń bárine toqtalý sha­ǵyn pikirimizde, árıne, múmkin emes. Táýelsizdik degen qasıetti de kıeli uǵymnyń saltanat qurýyna úles qosý barlyq qazaqstandyqtardyń paryzy ekendigine basa nazar aýdarylǵany qýan­tady. О́ıtkeni birligi jarasqan qo­ǵamy bar táýelsiz memleket bolýda munyń mańyzdylyǵy erekshe.

Degenmen, avtordyń bir tereń tujy­ry­my týraly aıtpaı ketýge bolmaıdy. Elbasy bylaı deıdi: «Adamdy qandaı qıyndyqtan da aman alyp shyǵatyn qudiret eńbek ekenin men sábı kezimnen-aq sezindim. Keıingi jastarǵa únemi «Eńbek et, otbasyńdy asyra, elińe qyzmet qyl: óziń de tabysty bolyp, Otanyńnyń da qýaty artady» deıtinim sondyqtan». Bul jalpy bar tirshiliktiń kúretamyry, negizi retinde qabyldanatyn qaǵıda dep oılaımyn. Aǵa urpaq ókilderi de, barlyq deńgeıdegi ardagerler uıymdary da ózderiniń ómirlik tájirıbesine, eńbek jolyna súıene otyryp, osy qaǵıdany jastardyń sanasyna sińirý boıynsha jumys júrgizip keledi hám júrgize beredi.

Elbasynyń baǵdar­la­ma­lyq sıpaty bar maqalasy Qazaqstan qoǵa­mynyń alǵa jyl­jý prosesindegi kezekti jar­qyn beles dep aıtýǵa to­lyq negiz bar.

Ǵosman TО́LEǴUL,

Aqmola oblystyq ardagerler keńesiniń tóraǵasy