«Sońǵy birneshe jyl bederinde Qazaqstannan kóptegen myqty kásipqoı boksshy shyqty. On jyldan astam ýaqyt aralyǵynda jankúıerler judyryǵy joıqyn Gennadıı Golovkınniń stıline qatty úırenip qaldy. Ol esimi «Dańq» zalyna altyn áriptermen jazylatyn sportshy ekeni aıdan anyq.
Endi Gennadıı Golovkın sekildi tanymal bolatyn taǵy bir boksshy bar. Ol – Jánibek Álimhanuly. Onyń promoýteri Bob Arým qazaq boksshysynyń kelesi jyly álem chempıony ataǵyna talasatynyn habarlaǵany málim. Jánibektiń joǵary deńgeıdegi sportshy atanýǵa barlyq múmkindigi bar», delingen jýrnalıst jazbasynda.
