Elordada balalar ádebıeti jyly aıasynda memlekettik tapsyrys boıynsha shyǵarylǵan 40 kitaptyń tusaýkeseri ótti.
Is-shara barysynda Mádenıet jáne sport mınıstri atap ótkendeı, balalar ádebıeti jyly aıasynda vedomstvo jalpy sany 492 myń dana taralymmen 168 qoǵamdyq mańyzy bar kitap shyǵaryp, taratty. Mınıstr jarııalanǵan 34 kitaptyń barlyǵy otandyq jazýshylardyń shyǵarmalary ekenin aıtty.
«Osyndaı oń bastamalardy jalǵastyrý maqsatynda balalar men jasóspirimder oqýyn qoldaý jylyn 2023 jylǵa deıin uzartý týraly sheshim qabyldandy. Bul bastamalar qazirgi balalar men jasóspirimder ádebıetiniń Berdibek Soqpaqbaev, Saıyn Muratbekov, Sansyzbaı Sarǵasqaev sııaqty klassıkalyq jazýshylarynyń damýyna jáne qalyptasýyna yqpal etetinine senimdimiz», dedi Aqtoty Raıymqulova.
Aıta ketsek, balalar men jasóspirimderge arnalǵan 40 basylym jalpy taralymy 120 myń dana bolyp shyqty, olar Respýblıkanyń memlekettik kitaphanalaryna tegin taratyldy.
