Senatorlar aldaǵy otyrysta «Qazaqstan Respýblıkasy Joǵarǵy Sotynyń sýdıasy qyzmetine saılaý týraly» máseleni qaraýdy josparlap otyr.
Kún tártibine «Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy «Mıneraldyq tyńaıtqyshtar shyǵarý zaýytyn salý jáne paıdalaný» jobasyn iske asyrý týraly kelisimdi ratıfıkasııalaý týraly» zań jobasy da engiziletin boldy.
Kelisim aıasynda jyl saıyn bir mıllıon tonnadan astam ındýstrııalyq ónim shyǵaratyn mıneraldy tyńaıtqysh zaýytyn salý josparlanyp otyr. Kásiporynda keminde 1200 jumys orny ashylatyn bolady. Zań jobasynda sonymen qatar sheteldik jumysshylardy jaldaý jáne tartý, sheteldik qyzmetkerlerge vızamen qoldaý kórsetý, joba iske asatyn aýdandy damytýdaǵy yntymaqtastyq máseleleri, sondaı-aq taraptar arasyndaǵy daýlardy retteý erejeleri júıelenedi.
Bıýro otyrysynda sonymen qatar Májilisten kelip túsken «Qazaqstan Respýblıkasy men Reseı Federasııasy arasyndaǵy áskerı yntymaqtastyq týraly shartty ratıfıkasııalaý týraly» zań jobasy Senattyń Halyqaralyq qatynastar, qorǵanys jáne qaýipsizdik komıtetine jumysqa berildi.
