Respýblıkalyq komıssııanyń sheshimimen osy jylǵy irikteýdiń úshinshi leginde stıpendııa 569 qazaqstandyqqa taǵaıyndaldy. Onyń ishinde 163 adam magıstratýraǵa, 4 adam álemniń úzdik joǵary oqý oryndarynyń doktorantýrasyna tústi.
«Taǵylymdama» baǵdarlamasy boıynsha 37 stıpendıat bilim alady. Taǵy 365 ǵalym sheteldik ǵylymı-zertteý ortalyqtarynda taǵylymdamadan ótedi. Esterińizge sala keteıik, «Ǵalymdar» sanaty bıyl Memleket basshysynyń tapsyrmasy boıynsha alǵash ret bekitildi. Bul sheshim Qazaqstandyq ǵalymdarǵa jetekshi ýnıversıtetterde, ǵylymı jáne salalyq ortalyqtarda bilim alýǵa, sol arqyly eldiń ǵylymı áleýetin arttyrýǵa múmkindik beredi.
«Bolashaq» halyqaralyq stıpendııasynyń ıegerleri akademııalyq oqýdan jáne álemniń 27 eliniń jetekshi ýnıversıtetteri men ǵylymı jáne salalalyq ortalyqtarynda taǵylymdamadan ótedi. 220 adam AQSh, 136 – Ulybrıtanııa, 57 – Reseı Federasııasy 13 – Avstralııa, 14 – Germanııa, 3 – Japonııa t. b. memleketterdiń joǵary oqý oryndarynda bilim alady.
Bıylǵy jyly taǵylymdamalar men oqytý baǵdarlamalary sheńberinde «Qashyqtan oqytýdyń ádisteri men quraldary», «Pedagogıkalyq platformalardy ázirleý», «STEM pánderin oqytý ádistemesi», «Joǵary bilim berýdegi strategııalyq menedjment jáne kóshbasshylyq», «Pedagogıkalyq ınnovasııalar», «Bıologııa, molekýlalyq bıologııa, bıohımııa», «Vırýsologııa. Juqpaly aýrýlar. Epıdemıologııa», «Sıfrlyq ekonomıka. Sandyq Marketıng» syndy baǵyttar suranysqa ıe boldy.
«Bolashaq» halyqaralyq stıpendııasy ıegerleriniń tizimi QR BǴM Telegram paraqshasynda jáne Halyqaralyq baǵdarlamalar ortalyǵynyń saıtynda jarııalanǵan.
