Memleket basshysy Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti, dep habarlady Qazaqstan Prezıdentiniń baspasóz qyzmeti.
Áńgimelesý barysynda eki eldiń basshylary halyqaralyq kún tártibindegi ózekti máseleler jóninde, sonyń ishinde Ýkraınadaǵy qoǵamdyq-saıası ahýaldyń damýyna qatysty pikir almasty.
Nursultan Nazarbaev Qazaqstannyń strategııalyq seriktes retinde Ýkraınadaǵy az ulttar quqyǵyn, sondaı-aq, óziniń qaýipsizdiginiń múddesin qorǵaıtyn Reseıdiń ustanymyna túsinistikpen qaraıtynyn atap ótti.
Memleket basshysy barlyq múddeli qatysýshylar baıyptylyq tanytatynyna jáne kelissózder jolymen jaǵdaıdy tezdetip qalpyna keltirý sharalaryn qabyldaıtynyna úmittenetinin bildirdi.
Qazaqstan Prezıdenti Ýkraınadaǵy daǵdarysty egemendikti saqtaý negizinde jáne halyqaralyq quqyq normalaryna sáıkes beıbit jolmen retteý qajettigi týraly óziniń pikirin bildirdi.
Ýkraınadaǵy jaǵdaıǵa nazar aýdaryldy
Memleket basshysy Nursultan Nazarbaev AQSh Prezıdenti Barak Obamamen telefon arqyly sóılesti, dep habarlady Qazaqstan Prezıdentiniń baspasóz qyzmeti. Áńgimelesý kezinde Qazaqstan-Amerıka qarym-qatynastarynyń jaı-kúıi men perspektıvalary, sondaı-aq aldaǵy 24-25 naýryzda Gaagada ótetin Iаdrolyq qaýipsizdik jónindegi jahandyq sammıtke daıyndyq barysy talqylandy. Eki memlekettiń basshylary halyqaralyq jáne óńirlik qaýipsizdik máseleleri jóninde pikir almasty. Ýkraınadaǵy ishki saıası jaǵdaıdyń damýyna aıryqsha nazar aýdaryldy. Qazaqstan men AQSh Prezıdentteri Ýkraınadaǵy daǵdarysty osy eldiń aýmaqtyq tutastyǵyn qamtamasyz etetin jáne barlyq múddeli taraptardy jaqyndastyrýǵa septigin tıgizetin dıplomatııalyq ádisterdi paıdalana otyryp beıbit jolmen retteý qajettigin qýattady. Nursultan Nazarbaev bul másele úderiske qatysýshylardyń barlyǵynyń kelissózi arqyly ǵana sheshilýge tıis ekenin atap ótti. О́z kezeginde Barak Obama Ýkraınadaǵy jaǵdaıdy retteý úshin BUU nemese EQYU tárizdi halyqaralyq uıymdardyń atsalysýymen pármendi tetikter qalyptastyrý qajettigine toqtaldy.Múddeli taraptar únqatysýy – utymdy qural
Memleket basshysy Nursultan Nazarbaev Germanııa Federaldyq Kansleri Angela Merkelmen telefon arqyly sóılesti, dep habarlady Qazaqstan Prezıdentiniń baspasóz qyzmeti. Eki eldiń basshylary Qazaqstan-Germanııa ekijaqty qarym-qatynastarynyń jaı-kúıi men perspektıvalaryn, sondaı-aq, Qazaqstan Prezıdentiniń Germanııaǵa sapary barysynda qol jetkizilgen ýaǵdalastyqtar negizindegi saýda-ekonomıkalyq yntymaqtastyq aıasyn keńeıtý máselelerin talqylady. Buǵan qosa, Nursultan Nazarbaev pen Angela Merkel Ýkraınadaǵy ishki saıası ahýaldyń damýymen qatar, halyqaralyq kún tártibindegi ózekti máseleler jóninde pikir almasty. Áńgimelesý barysynda Qazaqstan Prezıdenti ýkraınalyq daǵdarysty barlyq múddeli taraptar arasyndaǵy únqatysý jolymen, bul eldiń aýmaqtyq tutastyǵyn qamtamasyz etý, sondaı-aq, ózara kúsh kórsetý men ýltımatýmdardan bas tartý úshin halyqaralyq bitimgershiliktiń yqtımal tetikterin paıdalana otyryp, dıplomatııalyq turǵyda retteýdiń mańyzdylyǵyn qýattady. Nursultan Nazarbaev Qazaqstan qajet bolǵan jaǵdaıda Ýkraınadaǵy ahýaldyń beıbit jolmen sheshilýi úshin ymyraly sheshimderdi ázirleýge óziniń syndarly úlesin qosýǵa daıyn ekendigin jetkizdi.
