Atalǵan jarystyń tusaýy 2004 jyly Irannyń bas shahary – Tehranda kesilgen bolatyn. Sol kezden beri sary qurlyqtyń ár qıyrynda toǵyz birdeı dúbirli doda dúrkirep ótti. Baıraqty básekelerde eń mol júlde qoryn jıǵan Qytaı quramasy. Qytaı eliniń ókilderi 81 (40 altyn+22 kúmis+19 qola) márte jeńis tuǵyryna kóterildi. Ekinshi orynda – Qazaqstannyń saıypqyrandary. Bizdiń eldiń atletshileri 59 (20+18+21) júldege qol jetkizdi. Sondaı-aq Iran (14+21+23), Japonııa (11+7+10), Qatar (11+6+4), Úndistan (10+17+15), Bahreın (9+7+8), Saýd Arabııasy (4+1+1), Taıland (3+7+7) jáne Kýveıttiń (3+5+2) sportshylary ozyq on komandanyń qatarynda. Bul jarysta barlyǵy 16 memlekettiń ánurany shyrqalyp, 24 eldiń týy kókte jelbiregen eken.
Qazirdiń ózinde Azııa chempıonatyna qatysýǵa 29 memlekettiń ókilderi nıet bildirip otyr. Olar QAZAQSTAN jeńil atletıka kesheninde osy sporttyń 29 túri boıynsha sheberlik baıqasady.
