Eske salaıyq, jazda Batyrhan Shúkenovke eskertkish ornatýǵa arnalǵan ıdeıalar baıqaýy jarııalanǵan bolatyn. Kóptegen nusqa qarastyryldy. Keıin Nur-Sultan qalasy ákimdiginiń qalalyq ýrbanıstıka ortalyǵynyń Batyrhan Shúkenov qorymen birlesken jumysynyń nátıjesinde saıabaq aımaǵynda shyǵarmashylyq keńistik túrinde memorıal jasaý týraly sheshim qabyldandy. Joba jeke qarajat esebinen júzege asyrylady.
«Avtorlardyń oıynsha, bul - Olga Veselova, Lado Lomıtashvılı, Ásel Esjanova, pavılondy joǵarydan qaraıtyn bolsaq, barlyǵynyń súıikti oryndaýshysynyń atyn kórýge bolady. Taqyryptyq alańda serýendep, shyǵarmashylyqqa bir taban jaqyndaýǵa bolady», dep túsindirdi Ýrbanıstıka ortalyǵynyń basshysy Elnar Bazyken.
Atalǵan alańda pavılondar salý josparlanyp otyr, onda ǵylymı-tanymal dárister ótkiziledi, pablık-art boıynsha jazǵy mektep, konsertter, teatr qoıylymdary, kórkem performanstar men qoıylymdar jumys isteıdi.
Batyrhan Shúkenov atyndaǵy memorıaldy 2022 jyly ashý josparlanyp otyr. Halyqtyń súıikti ánshisi 2022 jyldyń 18 mamyrynda 60 jasqa tolar edi.
Elorda ákimi Altaı Kólginovtiń tapsyrmasy boıynsha sońǵy jyldary 500-den astam aýla men qoǵamdyq keńistikter (saıabaqtar, skverler, býlvarlar) abattandyryldy.
