IIM Esirtki qylmysyna qarsy is-qımyl departamentiniń bastyǵy Erlan Omarbekov atap ótkendeı, qylmystyq top birlesken áreketter nátıjesinde ustaldy. Barlyq ustalǵandar Petropavl qalasynda jalǵa alynǵan páterde eki aıdan astam turyp, «jasyrý» arqyly sıntetıkalyq esirtki taratqan.
Jaldap alynǵan páterde tintý júrgizý barysynda qylmystyq áreketti kórsetetin aıǵaq zattar jáne 800 grammǵa jýyq «mefedron» sıntetıkalyq esirtki tárkilendi.
Ustalǵandardyń aıtýynsha, olar Petropavlǵa elimizdiń ár óńirinen esirtkini taratý maqsatynda ádeıi kelgen. Erlan Omarbekov aıtqandaı, ustalǵandarǵa qatysty sot qaýlysymen «qamaýda ustaý» bultartpaý sharasy tańdaldy.
Qylmystyq kodekstiń 297-baby «О́tkizý maqsatynda esirtkini zańsyz ıemdený, saqtaý, tasymaldaý nemese ótkizý» boıynsha sotqa deıingi is júrgizý bastaldy. Kúdiktilerdiń osyǵan uqsas buryn ashylmaǵan qylmystarǵa qatysy bar-joǵyn anyqtaý boıynsha is-sharalar júrgizilýde.
