Kún tártibi naqtylandy

Keshe Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty bıýrosynyń otyrysy boldy, dep habarlady osy palatanyń baspasóz qyzmeti. Bıýro músheleri Senattyń aldaǵy 13 naýryzda bolatyn otyrysynyń kún tártibin qarady. Otyrysta Qazaqstan Respýblıkasy Konstıtýsııalyq Keńesiniń múshesi qyzmetine taǵaıyndaý týraly máseleni qaraý josparlandy. Senatorlar, odan basqa, zańnamaǵa syrtqy barlaý máseleleri boıynsha ózgerister men tolyqtyrýlar engizý týraly zań jobasyn, ishki ister organdary týraly zań jobasyn, sondaı-aq, zańnamaǵa ishki ister organdarynyń qyzmeti máseleleri boıynsha ózgerister men tolyqtyrýlar engizý týraly ilespe qujatty (birinshi oqylymda) talqylaıtyn bolady. Bas komıtetterdiń tóraǵalary palata otyrysynda osy zań jobalaryn qaraýǵa ázirlik týraly habardar etti. Bıýroda Senattyń turaqty komıtetterine Májiliste maqul­danǵan birqatar zań jobalary bólinip berildi. Bıýroda, sondaı-aq, Senattyń 2014 jylǵa arnalǵan negizgi is-sharalar josparyna tolyqtyrý da bekitildi. Atap aıtqanda, IV toqsanǵa «Qazaqstan Respýblıkasy Prezıdentiniń «Qazaqstan joly – 2050: bir maqsat, bir múdde, bir bolashaq» atty Qazaqstan hal­qyna Joldaýyn iske asyrýdaǵy Par­lamenttiń róli» halyqaralyq konferensııasyn ótkizý josparlanyp otyr.