Oblystyń sanıtarlyq-epıdemıologııalyq baqylaý departamentiniń derekterine qaraǵanda, qazir ahýal burynǵyǵa qaraǵanda birshama qalypty jaǵdaıǵa túsip keledi. Indettiń taralýyn mamandar eki aptanyń ózgerisimen baǵalaıdy. 9 jáne 22 jeltoqsan aralyǵynda KVI 922 adamnyń boıynan tabyldy. Bul – 22 qarasha men 8 jeltoqsan aralyǵyndaǵy eki aptaǵa qaraǵanda 24 paıyzǵa az, ıaǵnı 1 253-ten 922-ge tómendegen. Árıne, arqany keńge salatyn kórsetkish emes, biraq burynǵyǵa qaraǵanda tómendeý. Sońǵy táýlikte oblys ortalyǵynda – 45, Maǵjan Jumabaev aýdanynda – 6, Qyzyljar men Esil aýdandarynda 5-ten syrqat anyqtaldy. Basqa aýdandardan da juqtyrý tirkeldi.
О́ńir «sary aımaqqa» ótkennen beri shekteý sharalary azaıdy. Vaksına salǵyzý boıynsha nasıhattaý sharalary júrgizilýde. Keshege deıin vaksınanyń alǵashqy komponentin 268 583 adam salǵyzǵan, al tolyq salǵyzǵandar sany – 251 819. Pfizer vaksınasyn saldyrǵandar sany da kóbeıip keledi, barlyǵy 5 692 adamǵa egildi, sonyń ishinde 4 420 jasóspirim, 1 127 bala emizetin analar bar.
Monıtorıngtik toptar óz qyzmetterin qaýyrt júrgizýde. Jeltoqsan aıy bastalǵannan beri olar 127 reıd júrgizdi. 23 toptan turatyn olar 643 nysandy qamtyp, karantındik shekteýlerdi buzǵan 15 adamdy ákimshilik jaýapkershilikke tartyp, 1 079 290 teńgeniń aıyppulyn saldy. Sonymen qatar Ashyq jobasynyń talabyn buzǵan 158 zańdy tulǵa anyqtalyp, olarǵa 6,5 mln teńgeniń aıyppuly salyndy. Soltústik Qazaqstandaǵy jaman indettiń kóbeıýine jol beretinder – shekaranyń ar jaǵynan kelgender. 2020 jyldyń qazan jáne 2021 jyldyń jeltoqsan aralyǵynda Reseı Federasııasymen aradaǵy shekara beketterinen 300 myńnan artyq adam Qazaqstanǵa ótken. Sonyń ishinde 5 866 adamnyń PTR-testen ótkeni týraly anyqtamalary bolmaǵan. Olardyń bári karantındik stasıonarlarǵa jatqyzylǵan. 316 adamnyń boıynan indet tabylyp, olardyń 41-i stasıonarǵa jatqyzylyp, 275-i abýlatorııalyq emdelýge jiberilgen. Al 1 694 sheteldik azamat Qazaqstan aýmaǵyna ótkizilmeı keri qaıtarylǵan.
Soltústik Qazaqstan oblysy
