Osyndaı dúbirli dodada boı kórsetý ár sportshy úshin úlken abyroı ári zor mártebe ekeni belgili. Bir jaǵynan álemdik reıtıngte joǵarylaýǵa tamasha múmkindik týyndaıdy, ekinshi jaǵynan materıaldyq jaǵdaı da kúrt jaqsarady. Alaıda birqatar áıgili tennısshiler Melbýrnge barýdan bas tartyp otyr. Árqaısysynyń óz ýájderi bar. Máselen, Novak Djokovıch koronavırýske qarsy vaksına alýdy qalamaıdy. Basqa da biraz tennısshi dál sondaı ustanymda. Al uıymdastyrýshylar onsyz jarysqa qatysýǵa tyıym salyp otyr.
Sarapshylar men mamandar jasyl qurlyqqa álemdik tennıstiń jarqyn juldyzdarynyń kelmeýi jarystyń deńgeıin kúrt tómendetedi dep esepteıdi. Sol sebepti de olar Djokovıch bastaǵan sańlaqtarǵa Aýstralııanyń ashyq birinshiligine vaksınasyz-aq qatysýyna ruqsat berýi jaıynda ótinish bildirýde.
