Vaksına alǵan zeınetkerler arasynda shıpajaıǵa utys oıyny Nur-Sultan qalasy ákimdiginiń áleýmettik jelilerdegi (Facebook, YouTube) resmı paraqshalarynda tikeleı efırde ótti. Baıqaýǵa 4,5 myńǵa jýyq vaksınalanǵan zeınetker qatysty.
Egilgenderdiń arasynda Saryaǵash (Túrkistan oblysy), Oqjetpes (Aqmola oblysy), Moıyldy (Pavlodar oblysy) shıpajaılaryna tegin joldamalar, sondaı-aq baǵaly syılyqtar: shańsorǵysh, kir jýǵysh mashına, Smart-teledıdar oınatyldy.
Utys qorytyndysy boıynsha:
552 nómir - Júrsinova Bátıma Qabenqyzy Saryaǵash shıpajaıyna (Túrkistan oblysy) joldama jeńip aldy;
3491 nómir - Ahmetova Kýlıanda Áınekqyzy Oqjetpes shıpajaıyna joldama jeńip aldy (Aqmola oblysy);
1201 nómir - Saqtapbergenov Ermek Myrzahmetuly Moıyldy sanatorııine (Pavlodar oblysy) joldamany jeńip aldy.
4437 nómir - Qasen Lázzat Qalıqyzy shańsorǵyshty jeńip aldy;
4150 nómir - Makenov Atyǵaı Júsipbekuly kirjýǵysh mashınany jeńip aldy;
3204 nómiri – Abenova Gúlnar Smart-teledıdardy jeńip aldy.
Sonymen qatar, joldama jeńip alǵandar ózderimen birge taǵy bir adamdy qasyna alyp kete alady.
Konkýrs ádettegideı Birge platformasynda vaksınasııalanǵandardyń ID generasııasy arqyly avtomatty rejımde ótti. Ony ázirleýge IT-qaýymdastyq ta qatysty. Vaksınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Esterińizge sala keteıik, Nur-Sultanda koronavırýsqa qarsy vaksınasııalanǵandardyń arasynda Maldıvke eki adamǵa joldama jáne basqa da baǵaly syılyqtar oınatylady.
Buǵan deıin vaksınasııalanǵandardyń arasynda páter, kólik jáne 20-dan astam iPhone oınatyldy.
Aıta keteıik, qundy syılyqtardyń utys oıyndary azamattardy vaksınasııalaýǵa yntalandyrý maqsatynda ótkiziledi. Tek vaksınasııa sizdiń jáne jaqyndaryńyzdyń densaýlyǵyn qorǵaýǵa múmkindik beredi.
