Onda jyl saıyn bir mıllıon tonnadan astam ónim shyǵarylady jáne keminde 1200 jumys orny ashylady. Jobany Qazaqstan men Reseı birlesip júzege asyrady. Senatorlar búgin zaýytty iske qosý maqsatynda tıisti kelisimdi ratıfıkasııalady.
«Búgin qaralǵan Kelisim zaman talaptaryna saı hımııalyq keshen salýdy jáne ony paıdalanýǵa berýdi kózdeıdi. Zaýyt ónimderi elimizdiń ekonomıkasyn damytýǵa óz úlesin qosady dep senemiz», – dedi Máýlen Áshimbaev.
Qujattyń sharttary boıynsha reseılik kompanııa jobaǵa bir mıllıardtan astam AQSh dollary kóleminde ınvestısııa salyp, qurylysty 2024 jyly aıaqtaýǵa tıis. Kelisimde jobalaý kompanııasyna birqatar salyqtyq jeńildikter jasalady. Atap aıtqanda, korporatıvtik tabys salyǵynan jáne taýarlar ımportyna qosylǵan qun salyǵynan bosatý kózdelip otyr. Qujatta sondaı-aq qazaqstandyq mamandardy mindetti túrde kásiporynǵa jumysqa ornalastyrý týraly talap jazylǵan. Bul jobada keminde 80 paıyzy otandyq kadrlar jumys isteıdi.
