Adamı alǵysymyzdy aıtamyz

Qaqaǵan qańtar aıy bolatyn. Astana qalasyndaǵy úıimde elektr symynyń tuıyqtalýynan tańǵy 4-te órt shyqty. Tilsiz jaý – órt saldarynan jyldar boıy jınaǵan dúnıe-múlik kúlge aınaldy. Sóıtip, otbasymyz apatty jaǵdaıda qaldy. О́rtten keıin páterimdi qalpyna keltirýge Aýyl sharýashylyǵy mınıstrligi men onyń Astanadaǵy qurylymdyq bólimsheleri, atap aıtqanda, AShM-niń ardagerler uıymy basqarmasynyń tóraǵasy M.Tro­shıhın, Veterınarlyq baqylaý jáne Fıto-sanıtarlyq qadaǵalaý komıtetteri, Astana qalasy boıynsha aýmaqtyq ınspeksııalary, Astana qalasy bazarlaryndaǵy veterınarlyq-sanıtarlyq saraptama zerthanalary úlken kómek kórsetti. Sondaı-aq, jaqyn týystarymyz, dos­tarymyz, quda-qudaǵılarymyz ben jora-joldastarymyz qolushtaryn sozdy. «QazAgroQarjy» AQ pen «Agroprodýkt» kompanııa­sy, t.b. qoldarynan kelgen járdem­derin aıaǵan joq. Sonymen qa­tar, elor­dadaǵy Almaty aýdany­nyń ákimi B.Saǵyn myrza men osy aýdandaǵy áleýmettik qamsyz­dandyrý bólimi janashyrlyq tanytty. О́zim – aýyl sharýashylyǵy salasynda 40 jyldan astam eńbek etken ardagermin. Áriptesterim sekildi men de Qazaqstan aýyl sharýashylyǵyn damytýǵa barlyq kúsh-jigerimdi jumsadym. 2007 jyly ózim bas bolyp Kanadadan 1500 bas asyl tuqymdy sıyr ákelgen bolatynmyn. Sonyń 750 basy búginde elimizge tanymal azamat I.Saýer basqaratyn Aqmola oblysyndaǵy «Rodına» sharýashylyǵyna berilse, 750 basy taǵy bir tanymal azamat G.Zenchenko basqaratyn Soltústik Qazaqstan oblysyndaǵy «Zenchenko ı K» komandıttik seriktestigine berilgen edi. Olar búginde arnaıy ákelingen asyl tuqymdy iri qara maldan jaqsy ónim alyp, tabystaryn eselep otyr. Jeke ózim jáne otbasy múshe­lerim qıyn jaǵdaıda qalǵan kezde selqos qaramaı, kómek qolyn sozǵandardyń bárine shynaıy rızashylyǵymyzdy bildire otyryp, alǵys aıtamyz. О́ıtkeni, osyndaı tamasha adamdardyń arqasynda elimiz Qazaqstan Pre­zıdenti Nursultan Nazarbaev «Qazaqstan joly – 2050: bir maq­sat, bir múdde, bir bolashaq» atty Jol­daýynda jarııa etken jarqyn bolashaqqa qaryshty qadammen aıaq basyp keledi. Osyndaı óz isiniń sheberleriniń joǵary adamgershilik qamqorlyǵy men túsinistiginiń nátıjesinde Otanymyzdyń ári qaraı da órkendeı beretinine esh kúmán joq. Bashar QALIEV. ASTANA.