Paralımpıadaǵa elimizden bes sportshy qatysýda

Sochıde qysqy Paralımpıada oıyndary ótýde. Oǵan  Qazaqstannan jolmada alǵan bes sportshymyz qatysýda. Bul týraly Paralympic.kz habarlady. Paralımpıada múmkindigi shekteýli sportshylar arasynda ótetin jarys. Ol tórt jylda bir ret ótedi. Bıylǵy Paralımpıada oıyndary 7 naýryz kúni bastaldy. Ol 19 naýryzǵa deıin jalǵasady. Bul synǵa bıyl álemniń 45 elinen 1650 múgedek sportshy qatysýda. Sonyń ishinde alǵash ret Paralımpıada oıyndaryna qatysyp jatqan elder de bar. Máselen, Brazılııa, Túrkııa men О́zbekstan elderiniń sportshylaryn aıtýǵa bolady. Qazir qolda bar málimetterge qaraǵanda, sportshylar slejhokkeı (otyryp oınaıtyn hokkeı), kerlıng, shańǵy jarysy, bıatlon, taý shańǵysynan 72 medal jıyntyǵyn sarapqa salýda. Al bizdiń elge kelsek, bıylǵy oıyndarǵa Qazaqstannan alǵash ret bes sportshymyz qatysýda. Esterińizde bolsa, 1994 jyly Lıllehamerde (Norvegııa), 1998 jylǵy Naganoda (Japonııa), 2002 jyly Solt-Leık-Sıtıde (AQSh) 2010 jyly Kanadanyń Vankýver qalasynda ótken oıyndarǵa Qazaqstannan tek bir sportshy ǵana joldama alǵany belgili. 2006 jyly Týrınde ótken jarysta (Italııa) eki joldama ıelengenbiz.  Sol kezde joldama alǵan sportshylardyń barlyǵy shańǵyshylar edi. Al bıylǵy Sochı Paralımpıadasyna alǵash ret elimiz bıatlon sportynan da lısenzııa aldy. Qazaqstan Paralımpıada komıtetiniń derekterine qaraǵanda, bizdiń sportshylar Sochı synyna joldamany Kanada, Fınlıandııa, Germanııada ótken irikteý jarystarynda jeńip alǵan. Endi Paralımpıadaǵa qatysyp jatqan sportshylarymyzǵa kelsek, oǵan bizdiń elden eki áıel, úsh er adam qatysýda. Eń jasy 23-te bolsa, jasy úlkeni 51-de. Paralımpıadaǵa joldama alǵandardyń eń jasy  - Jańyl Baltabaeva.  Ol shańǵyshylar arasyndaǵy  LW12 baǵdarlamasy boıynsha jarysqa qatysýda. Jańyl bala kezinen múgedek. Sportpen 13 jasynan beri aınalysýda.  2013 jylǵy Qazaqstan chempıony. Kelesi sportshymyz Qaırat Qanapınniń kózi nashar kóredi. Onyń jasy 38-de.  Jumys barysynda kózinen jaraqat alǵan eken.  Ol bıatlon men shańǵy jarysyna qatysýda. Sodan keıin 41 jastaǵy Aleksandr Kolıadın degen sportshymyz da shańǵynyń LW4 (tizeden tómen nemese joǵary protezi bar sportshylar arasyndaǵy jarys) baǵdarlamasy boıynsha baq synasýda. Áıelder arasynda 46 jastaǵy Elena Mazýrenko shańǵyshylardyń  LW6 (qoly protezdelgen sportshylar arasyndaǵy jarys) baǵdarlamasy boıynsha jarys jolyna shyǵady. Ol sport sheberi áriQazaqstan chempıony. Paralımpıadaǵa bizdiń elden  51 jastaǵy Erlan Omarov ta qatysýda. Ol shańǵydan  LW2  baǵdarlamasy boıynsha kúsh synasýda. Jalpy, elimiz sportshylary  osy kezge deıin bes qysqy Paralımpıadaǵa qatysqanymen, birde-bir medal almaǵan eken.  Osyǵan baılanysty bizdiń memleketimiz Sochı Paralımpıadasynda altyn alǵan sportshyǵa 50 000, kúmis alǵan otandasymyzǵa 35 000, qola alǵan sportshyǵa 25 000 AQSh dollary kóleminde syıaqy taǵaıyndady. Qazir elimizde 600 000-ǵa jýyq múgedek adam bolsa, sonyń 15 myńy sportpen shuǵyldanady Dastan Kenjalın. Derekkóz. http://www.paralympic.kz. Foto: 112.ua.