Elimiz kúsh-jigeriniń ózektiligi ataldy

Qazaqstan Respýblıkasynyń Halyqaralyq uıymdar janyndaǵy Turaqty ókili Q.Sarybaı Venada BUU Bas hatshysynyń orynbasary, BUU Venadaǵy bólimshesiniń Bas dırektory, BUU Esirtki jáne qylmys basqarmasynyń atqarýshy dırektory Iý.Fedotovqa Senim gramotasyn tapsyrdy. Suhbat barysynda Iý.Fedotov esirtki, sybaılas jemqorlyq jáne uıymdasqan qylmyspen kúres máseleleri boıynsha Qazaqstan Respýblıkasynyń BUU Esirtki jáne qylmys basqarmasymen (BUU EQB) yntymaqtastyǵyna joǵary baǵa berip, Qazaqstannyń aýǵan esirtkilerimen kúreske baǵyttalǵan kúsh-jigeriniń ózektiligin atap ótti. Taraptar yntymaqtastyqtyń qazirgi ahýaly jóninde pikir almasyp, Aýǵanstanda zańsyz esirtki óndirisinen tónetin qaýipter turǵysynan Ortalyq Azııa aımaǵynyń qaýipsizdigin kúsheıtýge Qazaqstannyń qaty­sýyn, 2011-2014 jyldary Aý­ǵan­stan men kórshi elderge arnalǵan aımaqtyq baǵdarlamanyń iske asýyn, Almatydaǵy Ortalyq Azııa aımaqtyq aqparattyq úılestirý ortalyǵynyń jumysyn jáne BUU Sybaılas jemqorlyqqa qarsy konvensııasynyń iske asýyna sholý jasaý tetigindegi Qazaqstannyń rólin talqylady. Sondaı-aq, Q.Sarybaı Atom energııasy jónindegi halyqaralyq agenttiktiń (MAGATE) Bas dırektory Iý.Amanoǵa da Senim gramotasyn tapsyrdy. MAGATE basshysy ıadrolyq taratpaý men qarýsyzdanýdyń jahandyq úderisindegi Qazaqstannyń rólin joǵary baǵalady. Ýran óndirisi boıynsha Qazaqstan álemdegi jetekshi orynǵa ıe. Qazaqstanmen yntymaqtastyq MAGATE úshin erekshe mańyzdy, al qazirgi ýaqytta birqatar jobalar, sonyń ishinde, ıadrolyq energetıka, ıadrolyq qaýip­sizdik, onkologııalyq aýrýlar­dy emdeý, radıologııalyq monıtorıng, kadr daıarlaý, qoldanbaly ıadrolyq tehnologııalardy damytý jáne t.b. boıynsha ekijaqty ózara is-árekettiń jandana túsýi baıqalýda. Q.Sarybaı Qazaqstan MA­GA­TE-men yntymaqtastyǵyn odan ári keńeıtýge jáne nyǵaıtýǵa nıet­ti ekenin bildirdi. Kezdesý bary­synda ózara qyzyǵýshylyqqa ıe bol­ǵan keń máseleler sheńberi boı­ynsha pikir almasý júrdi. «Egemen-aqparat».