Senim men tıimdilik yntymaqtastyǵy

Keshe Ulttyq qaýipsizdik komıteti tóraǵasynyń orynbasary – Shekara qyzmetiniń dırektory, general-leıtenant Nurlan Jolamanov Shekara áskerleri qolbasshylary keńesi úılestirý qyzmetiniń tóraǵasy, general-polkovnık Aleksandr Manılovpen kezdesti. Shekara basshysy osyndaı kezdesýlerdiń TMD sheńberindegi shekaralyq vedomstvolardyń ózara qarym-qatynasyna joǵary yqpal etetindigin atap ótti jáne shekaralyq yntymaqtastyqtyń barysy týraly úılestirý keńesiniń ókilderine áńgimelep berdi. – Qazirgi ýaqytta biz QR UQK Shekara qyzmetin sapalylyq parametrleri boıynsha damytýdy jalǵastyrýdamyz, – dep atap ótti general-leıtenant Nurlan Jolamanov, – Memleket basshysy alǵa qoıǵan tapsyrmalardy júzege asyrýdamyz, árıne, áriptesterdiń kómeginsiz, aldyńǵy qatarly tájirıbelerdi zerttemeı olardy atqarý múmkin emes. Taraptar alda kele jatqan Shekara áskerleri qolbasshylary keńesiniń úılestirý qyzmetiniń 71-májilisin (maýsym aıynda Kıshınevte ótkizý josparlanýda) jáne TMD-ǵa qatysýshy memleketterdiń Ortalyq Azııa aımaǵy shekara vedomstvolarynyń basshylarynyń 4-aımaqtyq keńesiniń (maýsymda Máskeýde ótkizý josparlanýda) máselelerin talqylady.  TMD-ǵa qatysýshy memleketterdiń Ortalyq Azııa aımaǵy shekarasynan tys jerde bolyp jatqan jaǵdaılar boıynsha syndarly pikir almasyldy, sondaı-aq onyń «Faktor 2014» degen shartty ataýy boıynsha damý joldary taldandy. Atalǵan kezdesý Shekara áskerleri qolbasshylary keńesi úılestirý qyzmetiniń jumys josparyna sáıkes ótkizil­­­di, kezdesý sońynda taraptar birlese jumys isteý senim­dilik pen ózara tıimdilikti arttyra beretindigine negiz qalaı­tyn­dy­ǵyn atap ótti, dep habarlady UQK ShQ baspasóz qyzmeti.