«Mıtıngiler ótip, olardyń qatysýshylary áleýmettik-ekonomıkalyq jáne qoǵamdyq-saıası talaptardy jarııalady. Olardyń barlyǵy estildi jáne memleket tarapynan oryndaldy. Úkimet otstavkaǵa ketti. Avtogaz baǵasy burynǵy deńgeıde bekitildi. Biz áleýmettik-ekonomıkalyq naqty sharalar kesheni men qoǵamdyq-saıası reformalardyń naqty josparyn qabyldaý týraly jarııaladyq. Alaıda Qazaqstanǵa qarsy agressııa uıymdastyrýshylary úshin bul eshqandaı mańyzǵa ıe bolmady. Stıhııalyq narazylyqty jamylyp, jappaı tártipsizdik tolqyny jaıylyp ketti», dedi Memleket basshysy UQShU Ujymdyq qaýipsizdik keńesiniń kezekten tys sessııasynda.
Prezıdenttiń aıtýynsha, dinı radıkaldar, krımınaldy elementter, tonaýshylar, bandıtter jáne basqa da usaq buzaqylar bir buıryqpen bas kótergendeı boldy.
«Áleýmettik, ekonomıkalyq, qoǵamdyq-saıası talaptar keıinge ysyryldy. Osydan keıin óz saǵatyn kútken qarýly sodyrlar toby áreket ete bastady. Basty maqsaty da belgili boldy – konstıtýsııalyq qurylymdy buzý, basqarý ınstıtýttaryn qulatý, bılikti basyp alý. Munda memlekettik tóńkeris týraly aıtylyp otyr», dedi Qasym-Jomart Toqaev.
Sondaı-aq Qasym-Jomart Toqaev barlyq qarýly oqıǵalardyń bir ortalyqtan úılestirilgenin aıtty.
