«Osy ýaqytqa deıin jeńilistiń kermek dámin tatpaǵan Demetrıýs Andrade úshin qazaq oǵlany eń qaýipti qarsylas ekeni daýsyz. Demetrıýs 14 jyl boıy jalǵasyp kele jatqan kásibı mansabynda mundaı qaýipti qarsylaspen qolǵap túıistirip kórgen emes. Andrade úshin dál qazir Jánibekten góri Gennadıı Golovkın, Saýl Alvares, Djermall Charlo sekildi aty málim boksshylarmen qolǵap túıistirgen jón. Eger ol Jánibek Álimhanulyna ese jiberse, joǵaryda attary atalǵan chempıondarmen shaıqas týraly armandamaı-aq qoıýyna bolady. Al Jánibek Demetrıýsti jeńe alatyn áleýetke ıe. Sondyqtan Andrade ekinshi orta salmaqqa aýysqany durys», dedi ol óz oıymen bólisip.
Esterińizge sala keteıik, WBO tujyrymy boıynsha álem chempıony Demetrıýs Andradeniń mindetti qarsylasy sanalatyn Jánibek Álimhanuly buǵan deıin birneshe márte shaıqasqa daıyn ekenin aıtyp, málimdeme jasaǵan bolatyn.
