Komendanttyń aıtýynsha, elordada jaǵdaı turaqty. Bir táýlik ishinde qalada 8 qylmys jasaldy, 83 jol-kólik oqıǵasy tirkeldi, nátıjesinde eki adam zardap shekti.
Sondaı-aq, 464 ákimshilik quqyq buzýshylyq anyqtaldy, onyń ishinde 183-i tıisti erejelerdi buzý, 36-sy qoǵamdyq oryndarda spırttik ishimdikterdi ishý jáne 18-i halyqtyń kóshi-qony salasynda buzýshylyq faktileri.
Esterińizge sala keteıik, qala perımetri boıynsha táýlik boıy 6 blokpost jumys isteıdi.
Tótenshe jaǵdaı rejımi engizilgennen beri 200-den astam adam ustaldy. Onyń ishinde 28 adam ákimshilik qamaýǵa alyndy.
Tótenshe jaǵdaı kezinde jalǵan habarlamalar paıda boldy, olar toqtatyldy. Turǵyndardan tek resmı aqparat kózderine senýdi suraıdy.
Jalǵan aqparat taratýdyń 3 faktisi anyqtaldy. Barlyq fakti boıynsha qylmystyq ister qozǵaldy.
«Jalǵan aqparat taratýǵa jol berilmeıtini týraly eskertemin. TJ jaǵdaıynda QR QK 274-babyna sáıkes jeti jylǵa deıin bas bostandyǵynan aıyrý kózdelgen.
Taǵy da eske salamyn, tótenshe jaǵdaı kezinde quqyqqa qarsy is-áreket jasaý jaǵdaıdy aýyrlatatyn mán-jaı bolyp sanalady jáne neǵurlym qatań jaýapkershilikke ákep soǵady.
Qurmetti turǵyndar, komendanttyq saǵatty buzbańyzdar, zańǵa baǵynyńyz jáne tynyshtyqty saqtańyz», delingen elorda komendantynyń úndeýinde.
