QR Aýyl sharýashylyǵy mınıstrligi Reseı Federasııasy Orynbor oblysynyń Belıaev aýdanynda aýsyl aýrýynyń tirkelýiniń nátıjesine oraı 31 jeloqsan 2021 jyly QR AShM Veterınarııalyq baqylaý jáne qadaǵalaý komıteti aýsylǵa sezimtal janýarlardy, janýarlardan alynatyn ónimder men shıkizatty Qazaqstan Respýblıkasyna ákelýge jáne Orynbor oblysynan tranzıtke ýaqytsha shekteýler engizgenin habarlaıdy.
Sonymen birge, Reseı Federasııasynyń veterınarlyq jáne fıtosanıtarlyq qadaǵalaý jónindegi federaldyq qyzmeti 2022 jylǵy 12 qańtardan bastap saqtyq qaǵıdatyna baılanysty Qazaqstan Respýblıkasynyń aýmaǵynan termııalyq óńdeýden ótken taýarlardy qospaǵanda, aýsylǵa sezimtal tiri janýarlardy, janýarlardan alynatyn ónimderdi, shıkizatty jáne azyqtardy Reseı Federasııasyna ákelýge ýaqytsha shekteýler engizdi.
Reseı Federasııasynda tirkelgen aýsyl oshaǵynyń memlekettik shekaraǵa tikeleı jaqyndyǵyn eskere otyryp, mınıstrlik shekara mańyndaǵy aýmaqta epızootııalyq monıtorıng júrgizý úshin jumys tobyn qurdy.
О́ńirlerdegi jumys toby veterınarııa boıynsha ulttyq referenttik ortalyqta keıingi zerthanalyq zertteýler úshin synamalar irikteýdi júrgizedi.
QR Veterınarııalyq qyzmeti júrgizgen jumystyń qorytyndysy men nátıjeleri boıynsha tıisti sharalar qabyldanatyn bolady.
