О́tken táýlikte óńirde 268 qaterli indettiń quryǵyna ilikti. Onyń ishinde Qyzylorda qalasynda 169 jaǵdaı tirkelse, aýdandar boıynsha Aralda - 9, Qazalyda - 5, Qarmaqshyda - 9, Jalaǵashta - 12, Syrdarııada - 10, Shıelide - 23, Jańaqorǵanda - 31 adamdy qurady. Osynyń saldarynan qazir oblysta koronavırýspen syrqattanǵan turǵyndary sany 20 027 adamǵa jetti.
Qazaqstan óńirlerindegi epıdemıologııalyq ahýaldy baǵalaý matrısasynda Qyzylorda oblysy «qyzyl» aımaqqa kirgizildi.
Aıta keterligi, buǵan deıin óńirde koronavırýs juqtyrýdyń mundaı joǵary kórsetkishi tirkelgen emes.
«О́ńirde búgingi kúnge deıin koronavırýs juqtyrýdyń joǵary kórsetkishi - 251 adam boldy. Al qańtar aıynyń alǵashqy kúninen 593 adam indet juqtyrdy. Sondyqtan turǵyndardan barlyq saqtyq sharalaryn saqtaýdy suraımyz», dedi Qyzylorda oblysynyń sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.
