Aımaqtar • 14 Qańtar, 2022

Batys Qazaqstannyń eki aýylyna gaz jetti

101 ret kórsetildi

Batys Qazaqstan oblysyna qarasty Báıterek aýdanynyń eki eldi mekeni kógildir otyn jelisine qosyldy, dep habarlaıdy Egemen.kz.

Aýdan ákimi Marat Toǵjanovtyń aıtýynsha, tabıǵı gaz ıgiligin kóretin aýdan turǵyndarynyń úlesi 99,5 paıyzǵa jetpek. 

Aıta keteıik, qańtardyń 13-i kúni tabıǵı gazǵa qosylǵan Pavlov pen Gorbýnov aýyldary – Báıterek aýdany Mahambet aýyldyq okrýgine qarasty shaǵyn ǵana eldi mekender. Gorbýnovta nebári 36 úı, 123 adam tursa, Pavlov aýylyndaǵy 52 otbasynda 168 adam bar. О́ńirdegi barlyq iri eldi mekender, okrýg ortalyqtary tabıǵı gaz ıgiligin erteden-aq kórip otyrsa, endi, mine, kezek alaqandaı aýyldarǵa da jetti.

– El úkimeti halyqtyń turmysyn jaqsartý, úı turmysyndaǵy eń basty qajettilikterdi qanaǵattandyrý máselesine barynsha kóńil bólip keledi. 2021 jyly aýyldardy taza aýyz sý, jol jáne gazben qamtý sııaqty jumystardy oıdaǵydaı atqardyq. Báıterek aýdanynda 68 eldi meken bar. Osy kezge deıin sonyń 51-inde ǵana gaz boldy. 2021 jyly taǵy segiz aýylǵa gaz tartýdy bastadyq. Bıyl aýdan halqynyń 99,5 paıyzy gazben qamtylady, – dedi aýdan basshysy Marat Toǵjanov Pavlov aýylynda ótken saltanatty jıynda.

Atalǵan aýyl turǵyndary tabıǵı gaz ıgiligin kópten beri talap etip júretin. Árıne, gaz, sý qubyrlary áýeli halyq sany kóp, iri eldi mekenderge tartylady. Oblys ortalyǵynan nebári 30 shaqyrym jerde ornalassa da, shaǵyn aýyldyń óz kezegin kútip qalǵany sondyqtan. Uzaq jylǵy másele túıini ótken jyly memlekettik «Nurly jer» baǵdarlamasy arqasynda sheshilipti.

Aýylǵa gaz kelgen merekeli jıynda kópbalaly ana Sarajan Esmuhanbetova, aýyl turǵyny Amanbaı Aıapov sóz alyp, elge jasalǵan qamqorlyq úshin el aǵalaryna alǵys aıtyp, aýyldastaryn qýanyshymen quttyqtady.

Taǵy bir qýanyshty jańalyq, Mahambet aýyldyq okrýgi ortalyǵynda kásipkerlerdiń qoldaýymen 75 oryndyq balabaqsha ashylǵaly jatyr eken. Jergilikti demeýshiler bos ǵımaratty jabdyqtap, aýyl balǵyndaryna syıǵa tartýda.

Aıta keteıik, okrýgte mal sharýashylyǵymen aınalysatyn, sút, et óndiretin bıznes qurylymdar az emes. Aýyl sharýashylyǵymen aınalysatyn kásipker A.Amanǵalıev óz menshigindegi ǵımaratty memleket teńgerimine ótkizgen bolatyn. Ol ǵımarat 2021 jyly «Aýyl – el besigi» baǵdarlamasy aıasynda kúrdeli jóndeýden ótip, kitaphana retinde halyqtyń paıdalanýyna berildi.

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar