Aımaqtar • 16 Qańtar, 2022

Almaty qalasy ákimdiginiń ǵımaratyn tazalaýǵa 150-den astam volonter qatysty

96 ret kórsetildi

Jaqynda Almaty qalalyq ákimdiginiń órtengen ǵımaratynda tazartý jumystary bastaldy. Ǵımaratty tazalaýǵa qurylys kompanııalarynyń, merdigerlik jáne volonterlik uıymdardyń ókilderi, Almaty turǵyndary qatysty, dep jazady Egemen.kz.

Azamattyq bastamalardy qoldaý ortalyǵynyń basqarma tóraıymy Lıma Dıastyń aıtýynsha, qalalyq ákimdiktegi tazalaý sharalaryn júrgizýge jergilikti eriktiler ǵımarattaǵy tazartý sharalary aıaqtalǵanǵa deıin kómek kórsetetin bolady.

«Eldiń jekelegen aımaqtarynda tótenshe jaǵdaı rejımi jarııalanǵan soń, Azamattyq bastamalardy qoldaý ortalyǵy, respýblıkalyq Virgemiz eriktiler front-ofısi jáne Ulttyq eriktiler jelisi biryńǵaı eriktilerdi úılestirý ortalyǵyn qurdy. Munda biz eriktilerge qazaqstandyqtarǵa kómek kórsetýde aqparattyq jáne uıymdastyrýshylyq qoldaý kórsetemiz. Qazir ár óńirde volonterler shtaby jumys isteıdi. О́ńirlik shtabtarda TJ rejıminiń alǵashqy kúnderinen bastap biz tártipsizdikterdiń saldaryn joıýǵa baǵyttalǵan jumysqa kómektesýge daıyn volonterler tizimin qura bastadyq. Búgin eldegi jaǵdaı birshama turaqtanǵandyqtan, Almaty qalasyndaǵy shtabtyń volonterleri órtengen qalalyq ákimdiktiń ǵımaratyn tazartý jumysyna qatysý úshin senbilikke shyqty. Biz bul jumysqa volonterlik uıymdardy barynsha tartýǵa tyrystyq. Senbilikke kaskaderlar klýby, Jansaıa Ábdimálik shahmat klýby, Volonterler lıgasy, Ulttyq eriktiler jelisi, múgedekter qoǵamy, Lıder KZ, Narkostop, Qyzyl krest, Top.kz, «Jas Otan» jastar qanaty, «HAQ» QBF sııaqty uıymdardyń 150-den astam volonterleri qatysty. Qala ákimdiginiń aýmaǵyn tazartý jumystary bir kúnde aıaqtalmaıtyny anyq. Bizdiń volonterler barlyq senbilikterge shyǵatyn bolady», dedi Lıma Dıas.

Sonymen qatar, almatylyq eriktiler búgingi tańda kómekke muqtaj turǵyndarǵa azyq-túlik sebetterin taratyp, qan tapsyrý aksııalaryna, tártipsizdik kezinde joǵalyp ketken adamdardy izdeýge qatysyp jatyr. Sondaı-aq, psıhologııalyq kómek kórsetýge arnalǵan 1414 jedel jeli jumysyna qosylǵan.

Eske salaıyq, jappaı tártipsizdikter oryn alǵan kezde Almaty ákimdiginiń ǵımaraty tolyqtaı janyp ketken bolatyn. Keshen 1980 jyly salynǵan. 1991-1994 jyldary munda Prezıdenttiń rezıdensııasy, keıin Qazaqstan Respýblıkasynyń Úkimeti ornalasty. 1999 jyldan bastap ǵımaratta qala ákimdigi ornalasqan.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar