Álem • 16 Qańtar, 2022

Germanııa kásiporyndary «Omıkronnan» qaýiptenedi

43 ret kórsetildi

Koronavırýstyń «Omıkron» shtamy vırýstyń eń qaýipti nusqasy ekendigi týraly naqty zertteýler jasalyp úlgermese de, ǵalymdar bir aýyzdan onyń tez taralatynyn maquldady. «Aýrýǵa shaldyqqandardyń jaǵdaıy aýyr bolmasa da, sany rekordtardy jańartatynyn qazirden eskertemiz» deıdi ǵalymdar. Germanııa úkimeti bul tujyrymdy rastap otyr. О́ıtkeni karantınge jabylyp, densaýlyǵyna baılanysty demalys alǵan qyzmetkerler sany kún saıyn artyp jatyr. 

Bul jumys berýshilerdi qazir­­den qynjyltyp otyr. О́ıt­­keni demalysqa ketip, aýrý­ha­na­­ǵa túsken qyzmetkerler sa­ny artsa, jumys kúshi kemı­di. О́n­di­ris qarqyny sózsiz teje­ledi, tipti toqtap qalý qaýpi joǵary.

GFR-dyń jańa úkimetine qarasty sarapshylar keńesi «Omıkron» nusqasynyń jedel taralýynan tónip turǵan pan­demııanyń besinshi tolqy­nyna qatysty boljamymen bólisti. Jeltoqsannyń aıaǵyna qaraı jarııalanǵan qujatta ınfraqurylymǵa da qaýip tónip turǵany týraly aıtylǵan. Iаǵnı sarapshylar aýrýhanalar, polısııa bólimsheleri men qut­qarý qyzmetteri, qoǵammen baı­lanys mekemeleri, elektr energııasy, sýmen qamtamasyz etý jelileri men logıstıka jumystaryn úlken táýekelder kútip turǵanyn habarlaıdy.

Bul qujat halyq nazaryna usynylǵannan keıin Ger­ma­nııadaǵy birqatar kásip­oryn men birlestikter qyzmet­kerleri jappaı aýyrǵan jaǵ­daıda qandaı sharalar qabyl­daıtynyn ortaǵa saldy. Olar negizge Ulybrıtanııadaǵy jaǵ­daıdy mysalǵa alǵanyn da ja­syr­mady. О́ıtkeni Ulybrı­tanııada «Omıkron» vırýstyń eń keń taralǵan túrine aınalyp, jumys kúshi tapshylyǵyna alyp keldi. Máselen, jaqynda po­ıyzdar jumysy toqtaýǵa máj­búr boldy.

Germanııadaǵy kásiporyndar engizgen alǵashqy ereje – qyz­met­kerler arasyndaǵy baı­la­nysty azaıtý. Iаǵnı kezek­shiliktegi jumysshylar kezek­teri aýysqanda bir-birimen meı­linshe azyraq baılanysýy qajet. Osylaısha, jumys top­tary arasynda ınfeksııa ta­ralýyn tejeýdi kózdep otyr. Odan bólek kezekti tapsyrý­shy men qabyldap alýshy qyz­metker FFP2 sııaqty qor­ǵa­ny­sy myqtyraq betperde taǵýy tıis. Áleýmettik araqa­shyq­­tyqty saqtaýǵa mindetti. Kásip­­oryndar qyzmetkerleri vırýs­­ty anyqtaý úshin kúnde­likti test tapsyrady. Osylar­dyń bar­lyǵy kompanııa qarajat­y­nan óteledi.

Germanııadaǵy elektr energe­tıkasy boıynsha alpaýyt E.on kompanııasy «daǵ­da­rys­qa arnalǵan josparyn» ázirlep qoıǵanyn da habarlady. Josparda kompanııa qyz­metkerlerin jumys ornyna kóshirý de qarastyrylǵan. Kóshirý arqyly úıde, jolda ınfek­sııa juqtyrý qaýpin azaı­ta­myz degen oıdy alǵa tar­ta­dy. Atalǵan kompanııa qyzmet­kerleriniń 80-90 paıyzy vaksına saldyrǵanyn eskergen jón.

Tamaq ónerkásibi de úlken qaýiptiń aldynda. Germanııa tamaq ónerkásibi birlestigi qaýipsizdik sharalary tolyqtaı saqtalatynyn habarlady. Olar da «Omıkron» nusqasynyń taralýyn tejeý úshin birqatar shara qabyldaǵan. Qarjy sektory da daǵdarysqa daıyn. Buǵan deıin de eldegi qarjy sektory qyzmetkerlerin ártúr­li qalalarǵa jibergeni habar­lanǵan edi. Pandemııa bir núkte­de órshise, ekinshi, úshinshi qala­lardaǵy qyzmetkerler olardy aýys­tyra alýy úshin osyndaı qadamǵa barǵan. Endi eski jospar jańartylyp, saqtyq sharalary odan da kúsheıtiledi deıdi.

Mundaı josparlar men sharalardy synaýshylar da tabylýda. О́ıtkeni «Omıkronnyń» jedel taralýyn asa úlken qaýip dep sanamaıtyndar toby da bar. Máselen, Der Spiegel basylymy belgili bir professordyń «Omıkronnan» qaýiptenýdiń qajeti joq degen maqalasyn ja­rııa­lady. Ǵalym vırýstyń bul shtamy nebári úsh mıllıonǵa jýyq adamnan anyqtalady, son­dyqtan úreılenýdiń qajeti joq degen oı aıtady.

 

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar