Kezdesý aıasynda qor basshylyǵy daýys berý kúni baıqaýshylar jelisiniń jumysy týraly aıtyp, baqylaýdyń aldyn ala nátıjelerin usyndy, sondaı-aq saılaý ýchaskelerindegi daýys berý prosesin uıymdastyrýǵa qatysty negizgi qorytyndylaryn aıtty.
− «El daýysy» qory 2020 jyldan beri jumys istep keledi. Osy kezeńde biz 6 myńnan astam baıqaýshyny oqytyp, daıarladyq. Búginge deıin ótken barlyq elektoraldyq prosesterge, sonyń ishinde parlamenttik jáne prezıdenttik saılaýlarǵa qatystyq. Referendýmdy baqylaý tájirıbemiz de bar. Bıyl referendým ótetini jarııalanǵan sátten bastap biz birden ún qatyp, akkredıtteý merzimi jyl sońynda aıaqtalǵandyqtan, ony jańartyp, táýelsiz baqylaýdy uıymdastyrýǵa kiristik. Sonymen qatar, bıyl 2020 jyldan beri bizben turaqty jumys istep kele jatqan baıqaýshylar pýlynyń qalyptasýynyń arqasynda baqylaý geografııasyn keńeıte aldyq. Olardyń tájirıbesiniń arqasynda bizge jańa qatysýshylar qosyldy. Budan bólek, jańa baıqaýshylar áleýmettik jeliler arqyly maǵan tikeleı habarlasty, − dedi qor jetekshisi Aıda Jeksen.
Onyń aıtýynsha, bıyl qordyń qoǵamdyq baqylaý jobasy Qazaqstannyń 32 qalasyn qamtydy. Olardyń qatarynda iri óńirlik ortalyqtarmen qatar shaǵyn qalalar da bar. Qor baıqaýshylary Astana, Almaty, Shymkent, Qaraǵandy, Pavlodar, О́skemen, Qostanaı, Aqtaý, Atyraý, Taraz, Túrkistan, Petropavl, Qyzylorda qalalarynda, sondaı-aq Ekibastuz, Jezqazǵan, Sátbaev, Kentaý, Talǵar, Qonaev, Stepnogorsk, Rıdder jáne ózge de birqatar eldi mekende jumys istedi.
TMD baqylaýshylary: Referendýmda daýys berý prosesi ashyq ári ádil ótti
Aıda Jeksen daýys berý kúni boıy qor baıqaýshylary ýchaskelerdiń ashylýyn, daýys berý prosesiniń uıymdastyrylýyn, ýchaskelerdegi rásimderdiń saqtalýyn, komıssııalardyń jumysyn, sondaı-aq daýystardy sanaý men qorytyndy qujattardy rásimdeý prosesin tirkep otyrǵanyn atap ótti.
Ýchaskelerden túsken aqparat óńirlik úılestirýshiler arqyly jetkizilip, qordyń ortalyq shtabynda jınaqtaldy. Aldyn ala baqylaý nátıjeleri boıynsha, ýchaskelerdiń basym bóliginde daýys berý uıymdasqan ári tynysh jaǵdaıda ótti. Baqylaý barysynda rásimdik sıpattaǵy jekelegen eskertýler men sıgnaldar tirkeldi, alaıda olardyń nátıjege eleýli áseri joq.
TúrkPA baıqaýshylary: Referendýmda zań buzýshylyqtar anyqtalǵan joq
Qor jetekshisi Aıda Jeksen azamattardyń qoǵamdyq baqylaýǵa belsendi qatysý deńgeıi joǵary bolǵanyn atap ótti.
«Qazaqstanda azamattyq baqylaýǵa degen qyzyǵýshylyqtyń artyp kele jatqanyn kórip otyrmyz, muny kelýshiler belsendiliginen de baıqaýǵa bolady. Daýys berý kúni bizdiń baıqaýshylar elimizdiń ártúrli qalalarynda jumys istep, ýchaskelerdegi jaǵdaıdy tirkep, aqparatty qor shtabyna jiberip otyrdy. Biz úshin adamdardyń qoǵamdyq prosesterge qatysýǵa jáne rásimderdiń ashyqtyǵy úshin jaýapkershilik alýǵa daıyn bolýy mańyzdy», dedi ol.
Qor jetekshisi qoǵamdyq baqylaýdyń negizgi mıssııasy rásimderdiń ashyqtyǵyn qamtamasyz etý jáne zańnamanyń saqtalýyn qadaǵalaý ekenin atap ótti.
ShYU baıqaýshylary: Referendým demokratııalyq damýǵa serpin berdi
