Mádenıet jáne ulttyq salt-dástúr kúni – ulttyń rýhanı tamyryn tereńirek túsinip, umyt bola bastaǵan dástúrlerdi qaıta jańǵyrtýǵa arnalǵan mańyzdy shara. Bul bastama, ásirese, jas urpaqtyń ulttyq qundylyqtarǵa degen qurmetin arttyrýǵa baǵyttalǵan.
Bıylǵy Naýryz merekesiniń ereksheligi – sıfrlyq tehnologııalar men jasandy ıntellekt quraldarynyń keń qoldanylýy. Bul bastamalar Memleket basshysy jarııalaǵan Sıfrlandyrý jáne jasandy ıntellekt jyly aıasynda júzege asyrylyp jatyr. Elordadaǵy merekelik alańdarda qala turǵyndary men qonaqtarǵa robottarmen, jasandy ıntellekt múmkindikteriniń kórsetilimderimen jáne basqa da zamanaýı tehnologııalyq sheshimdermen jabdyqtalǵan ınteraktıvti aımaqtar usynylady. Qala turǵyndary zamanaýı tehnologııalardyń ulttyq dástúrlermen qalaı úılesetinin kórip, ártúrli sıfrlyq ári tanymdyq belsendilikterge qatysa alady.
16 naýryz kúni «Naýryznama» onkúndigi aıasynda Mádenıet jáne ulttyq dástúrler kúnine oraı elordada túrli is-sharalar ótedi.
Saǵat 17:00-de E.Rahmadıev atyndaǵy Memlekettik akademııalyq fılarmonııada «Mádenıet kúni – shynaıy dástúr keńistigi» atty merekelik is-shara ótedi.
Ulttyq akademııalyq kitaphanada «Ulttyq qundylyq – ulttyq bolmys» atty kitap kórmesi ashylady.
16-17 naýryz kúnderi «Jastar» saraıynyń konsert zalynda «Naýryz. Jaryq kúshi» atty teatrlandyrylǵan mýzykalyq qoıylym ótedi. Bastalý ýaqyttary: 10:00, 12:00 jáne 14:00.
Bul kúni memlekettik jáne qurylymdyq mekemeler arasynda dástúrli «Armysyń, áz Naýryz» baıqaýy ótedi. «Rýhanııat» KMM «Salt-dástúr – ult qazynasy» atty ashyq sabaq uıymdastyrady.
Saǵat 19:00-de Á.Mámbetov atyndaǵy Memlekettik drama jáne komedııa teatry «Jas Abaı» spektaklin usynady.
16 naýryz kúni «Damu Mall» saýda-oıyn-saýyq ortalyǵynda Belsendi uzaq ómir súrý ortalyǵynyń zeınetkerleri daıyndaǵan ulttyq qolóner kórmesi ashylady.
Servıs jáne týrızm kolledjinde mektep oqýshylaryna ulttyq taǵamdar daıyndaý boıynsha sheberlik sabaǵy ótedi. Mektepke deıingi uıymdarda ulttyq oıý-órnekpen qysh buıymdaryn jasaý sheberlik sabaqtary uıymdastyrylady. №1 óner mektebinde «Naýryz – Ulystyń uly kúni!» konserti ótedi. Balalar kórkemsýret mektebinde «Týǵan jerim» atty sándik-qoldanbaly óner boıynsha XXII respýblıkalyq baıqaý uıymdastyrylady. №2 óner mektebinde «Dástúrim – asyl qazynam» is-sharasy ótedi. «Sharapat» áleýmettik qyzmet kórsetý ortalyǵynda aýdan zeınetkerleriniń ulttyq stıldegi qolóner kórmesi uıymdastyrylady. «Qamqor» arnaıy áleýmettik qyzmet kórsetý ortalyǵynda «Salt-dástúr – asyl qazyna» tanymdyq saǵaty ótedi.
16-22 naýryz aralyǵynda elordanyń turǵyn úı keshenderiniń aýlalarynda MIB-ter arasynda «Ulystyń uly kúninde...» baıqaýy ótkiziledi.
Osy kúni «Naýryz jylýy» aksııasy aıasynda «Astana jastary» eriktileri kommýnaldyq qyzmet mamandaryna shaı men baýyrsaq taratyp, gúl shoqtaryn tabystaıdy.
