Aımaqtar • 17 Qańtar, 2022

ShQO meshitterinde juma namazyn oqýǵa shekteý qoıyldy

37 ret kórsetildi

Shyǵys Qazaqstan oblysyndaǵy meshitterde juma namazyn oqýǵa shekteý qoıyldy, dep habarlaıdy Egemen.kz.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńirdiń «qyzyl» aımaqqa enýine baılanysty birqatar shekteýler engizilgen.

Sanıtarlyq talaptar 20 qańtardan bastap, onyń ishinde Ashyq jobasyna qatysatyn nysandarda da júzege asyrylady. «Konsert zaldary, teatr, sırk, fılarmonııa qyzmetine tyıym salyndy. Dinı obektilerde (meshit, shirkeý, sobor, sınagoga) ujymdyq is-sharalar (juma namazy, dinı joralar jáne t. b.) ótkizýge ruqsat etilmeıdi. Konferensııa, semınar, kórme, forýmdar ótkizýge shekteý qoıyldy. Sondaı-aq túngi klýbtar jabylady», delingen qujatta.

Sporttyq-saýyqtyrý nysandaryna, fıtnes jáne ıoga-ortalyqtaryna, monshalarǵa, saýnalarǵa, basseınderge tek «jasyl» statýsy bar adamdar kirgiziledi. Qoǵamdyq tamaqtaný nysandarynda bir ústelge otyratyndar sany 4 adamǵa deıin qysqarady. Al kınoteatrlardyń tolymdylyǵy 30%-dan aspaýy tıis.

«Barlyq mektepterde vaksınanyń tolyq kýrsyn alǵan 9, 11-synyptar ǵana shtattyq formatta oqıdy. Al qalǵan oqýshylar onlaın formatqa kóshiriledi. Eger bir bala koronavırýs juqtyrsa, synyp túgeldeı 14 kún úı karantınine oqshaýlanady. Kolledjder men JOO stýdentteri úshin aralas oqytý formaty bekitilgen. Barlyq dárister onlaın júrgizilse, tájirıbe, zerthana, semınar sabaqtary shtattyq rejımde ótedi», delingen qaýlyda.



 

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar