Bul málimetti ákimdiktiń shtab otyrysynda sıfrlandyrý basqarmasynyń basshysy Baıan Qońyrbaev rastaǵan. Onyń sózine sensek, qasiretti qańtar oqıǵasynan keıin 766 «Sergek» beınekamerasy búlingen kórinedi.
«Búgin 485 «Sergek» apparattyq-baǵdarlamalyq kesheniniń jumysy qalpyna keltirildi. Onyń jıyrmasy tańerteń iske qosyldy. Jalpy búlikshiler 75-ten astam keshendi qıratqan. Onyń otyzdan astamy qaıta qosylyp otyr. Qalpyna keltirý boıynsha jalpy shyǵyn somasy 250 mıllıon teńgeden aspaıdy. Qańtardyń aıaǵyna deıin bárin rettemekpiz», deıdi ol.
Budan bólek saıabaqtar men skverlerdegi myńnan astam kameranyń 242-si tártipsizdik kezinde isten shyqqan.
«Búlikshiler ádeıi sondaı qadamǵa barǵan. О́ndirýshiler qazirgi sátte sapa turǵysynan álgindeı kameralar joq ekenin aıtty. Sondyqtan búginde olardyń ornyna basqa óndirýshi kompanııalardyń kamerasyn ornatý máselesi qarastyrylýda. Jalpy 226 mıllıon teńge kerek. Respýblıkalyq bıýdjetten qarjylandyrylatyn bolady», deıdi basqarma basshysy.
