Medısına • 17 Qańtar, 2022

Qazaqstanda pedıatrııalyq kómek kórsetý standarty ázirlendi

173 ret kórsetildi

Densaýlyq saqtaý mınıstrligi Qazaqstanda pedıatrııalyq kómek kórsetýdi uıymdastyrý standartyn ázirledi, dep habarlaıdy Egemen.kz

Joba medısınalyq kómek kórsetýdiń barlyq deńgeılerinde 18 jasqa tolmaǵan balalardyń aýrýshańdyǵynyń, múgedektigi men ólim-jitiminiń aldyn alý, tómendetý boıynsha sharalar júrgizýdi kózdeıdi.

Sonymen, pedıatrııalyq kómek kórsetetin medısınalyq uıymdar qyzmetiniń negizgi mindetteri men baǵyttary:

  • Balalarǵa, onyń ishinde jańa týǵan nárestelerge dárigerge deıingi, bilikti, mamandandyrylǵan medısınalyq kómek jáne joǵary tehnologııalyq medısınalyq qyzmetter kórsetý;
  • Medısınalyq kómektiń qoljetimdiligi men medısınalyq qyzmetterdiń sapasyn qamtamasyz etetin is-sharalardy ótkizý;
  • BJAYQ qaǵıdattaryn saqtaý;
  • Balalarǵa medısınalyq ońaltý júrgizý;
  • Profılaktıkalyq kómek kórsetý:
  • Júkti áıelderdiń patronajy;
  • Salaýatty ómir saltyn qalyptastyrý jáne nasıhattaý, tıimdi jáne durys tamaqtaný boıynsha usynystar;
  • Balanyń zańdy ókilderimen kútim máseleleri, aýrýlardyń qaýipti belgileri jáne qaýip tóndiretin jaı-kúıler boıynsha aqparattyq-túsindirý jumystaryn júrgizý;
  • Tabıǵı emizý men laktasııany qoldaý, alty aıǵa deıingi balalardy tek qana emizý jáne eki jasqa deıin emizýdi jalǵastyrý tájirıbesi boıynsha keńes berý;
  • Skrınıngtik zertteýler júrgizý;
  • Balany erte jastan damytý máseleleri boıynsha konsýltasııa berý;
  • Medısınalyq profılaktıkalyq tekserýler;
  • Vaksınasııa júrgizý;
  • Dınamıkalyq baqylaý;
  • Balalardy, sonyń ishinde jańa týǵan nárestelerdi patronajdaý.

Sonymen qatar syrqattanýshylyqtyń aldyn alý jáne ony tómendetý, áleýmettik máni bar aýrýlardyń, onyń ishinde onkologııalyq nemese gematologııalyq, B jáne C gepatıtteriniń, AITV ınfeksııasy men týberkýlezdiń erte nysandaryn anyqtaý boıynsha, sondaı-aq balalar aýrýlarynyń, múgedektigi men ólim-jitiminiń qaýip faktorlaryn anyqtaý boıynsha is-sharalar júrgizý.

MSAK uıymdary kelesi sharalardy júrgizedi:

  • Konsýltasııalyq, dıagnostıkalyq, emdeý-profılaktıkalyq kómek, dınamıkalyq baqylaý;
  • Patronajdyq qyzmettiń ámbebap-progressıvti modeline sáıkes júkti áıelderge, jańa týǵan nárestelerge jáne erte jastaǵy balalarǵa patronajdar jáne belsendi bolý;
  • Profılaktıkalyq egýlerdiń merzimderine sáıkes vaksınasııany josparlaý, uıymdastyrý jáne júrgizý;
  • Kórsetilimder bolǵan kezde balalardy beıindi mamandarǵa konsýltasııaǵa jiberý;
  • Jiti jáne sozylmaly aýrýlardy anyqtaý, shuǵyl jáne josparly emdeý is-sharalaryn ýaqtyly júrgizý;
  • Kórsetilimder bolǵan kezde balalardy táýliktik stasıonarǵa, kúndizgi stasıonarǵa jiberý jáne úıde stasıonardy uıymdastyrý;
  • Dıspanserlik esepte turǵan sozylmaly aýrýlary bar balalardy dınamıkalyq baqylaý, emdeý jáne saýyqtyrý;
  • Balalardy qalpyna keltirý emi jáne medısınalyq ońaltý;
  • Jańa týǵan náresteler men erte jastaǵy balalardyń skrınıngin júrgizý;
  • Mektepke deıingi nemese mektep mekemelerine túser aldynda balalardy saýyqtyrýdy uıymdastyrý;
  • Ata-analarmen jáne otbasy múshelerimen nemese zańdy ókilderimen tıimdi tamaqtaný, balalar aýrýlarynyń aldyn alý jáne salaýatty ómir saltyn qalyptastyrý máseleleri boıynsha aqparattyq jumys.

Qujattyń tolyq mátini 31 qańtarǵa deıin jarııa talqylaý úshin «Ashyq NQA» saıtyna ornalastyrylǵan.

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Uqsas jańalyqtar