Fýtbol • 17 Qańtar, 2022

Eden Azar «Realdan» ketedi

71 ret kórsetildi

Madrıdtiń «Real» fýtbol klýbynyń shabýylshysy, belgııalyq fýtbolshy Eden Azar qysqy transfer kezinde Ispanııa astanasynan ketýge bekinip otyr. Bul týraly jýrnalıst Sasha Tavolerı óziniń áleýmettik jelidegi paraqshalarynda jazdy, dep habarlaıdy Egemen.kz.

Ol keltirgen derekterge sensek, koroldik klýb belgııalyq fýtbolshyny erkine jiberýge daıyn kórinedi. Buǵan deıin «Real» fýtbol klýbynyń jetekshileri Azardy «Chelsıdiń» qorǵaýshysy Rıs Djeımske aýystyrýǵa nıetti ekeni týraly aqparat taraǵan bolatyn. «Realdyń» jankúıerleri de Azardy komanda sapynan kórýge qulshynyp otyrǵan joq.  

Eden Azar 2019 jyly «Real» jeıdesin kıgen edi. Osy maýsymda ol klýb sapynda 13 márte jasyl alańǵa shyǵyp, bir nátıjeli pastyń avtory atandy demeseńiz, basqa qatyrǵan túgi joq. Alaıda onyń klýbpen kelisimsharty 2024 jylǵy maýsymda ǵana aıaqtalady.

Sońǵy jańalyqtar

Uqsas jańalyqtar