Qoǵam • 17 Qańtar, 2022

Mamandandyrylǵan HQO-lar jumysyn qaıta bastady

42 ret kórsetildi

Qazaqstannyń barlyq óńirindegi mamandandyrylǵan Halyqqa qyzmet kórsetý ortalyqtary jumys istep tur. Bul týraly «Azamattarǵa arnalǵan úkimet» memlekettik korporasııasynan málim etti, dep habarlaıdy Egemen.kz.

Berilgen aqparatqa sáıkes, 17 qańtarda Jambyl oblysynyń mamandandyrylǵan HQO-lary jumys isteı bastady. Sol kúni Almaty oblysynyń avtoHQO-lary iske qosyldy.

«Osylaısha, Qazaqstanda barlyq mamandandyrylǵan HQO-lardyń jumysy tolyq qalpyna keltirildi», delingen habarlamada.

Eske salaıyq, qańtar aıynyń basynda tótenshe jaǵdaı rejıminiń engizilýine baılanysty el óńirlerindegi barlyq mamandandyrylǵan HQO-lardyń jumysy ýaqytsha toqtatylǵan bolatyn.

12 qańtarda Almaty qalasy, Almaty jáne Jambyl oblystaryn qospaǵanda, avtoHQO-lar óz jumysyn qaıta bastady.

14 qańtarda Almaty qalasynyń mamandandyrylǵan HQO-sy jumys isteı bastady.

17 qańtardan bastap Almaty jáne Jambyl oblystarynyń mamandandyrylǵan HQO-larynyń jumysy qaıta jandandy.

AvtoHQO-lardyń jumys kestesi – 9:00-den 18:00-ge deıin (Jambyl oblysynda 17.00-ge deıin) (dúısenbi-juma).

Senbi jáne jeksenbi – demalys. Avtomobıldi tirkeý jáne qaıta tirkeý boıynsha qyzmetti Kaspi jáne Halyk Homebank bank qosymshalary arqyly resimdeýge bolatynyn eske salaıyq.

Memlekettik qyzmetter boıynsha barlyq qajetti aqparatty 1414 nómiri jáne Instagram, Facebook-tegi resmı @gov4c.kz akkaýnttardan alýǵa bolady.

Sońǵy jańalyqtar

Uqsas jańalyqtar