Qazaqstan • 17 Qańtar, 2022

Qazaqstan-Túrkııa arasyndaǵy saýda kólemi artty

144 ret kórsetildi

Qazaqstan Respýblıkasynyń Premer-Mınıstri Álıhan Smaıylov Túrkııa Respýblıkasynyń Vıse-Prezıdenti Fýat Oktaımen telefon arqyly sóılesti, dep habarlaıdy Egemen.kz QR Premer-Mınıstriniń baspasóz qyzmetine silteme jasap.

Túrkııa Respýblıkasynyń Vıse-Prezıdenti F. Oktaı Á. Smaıylovty Qazaqstan Respýblıkasynyń Premer-Mınıstri laýazymyna taǵaıyndalýymen quttyqtady.

F. Oktaı qańtarda bolǵan qaıǵyly oqıǵa saldarynan qaza tapqandardyń otbasylaryna kóńil aıtyp, Túrkııanyń Qazaqstanǵa qajetti qoldaý kórsetýge daıyn ekenin atap ótti. 

«Túrkııa Respýblıkasy – Qazaqstannyń senimdi ári strategııalyq seriktesi. Qazaqstan Úkimeti yntymaqtastyqtyń barlyq baǵyty boıynsha Túrkııamen  yntymaqtastyqty nyǵaıtýdy jalǵastyrady», dedi Á. Smaıylov.

Túrkııa – Qazaqstannyń mańyzdy saýda-ekonomıkalyq áriptesi. 2021 jyldyń 11 aıynyń qorytyndysy boıynsha ózara saýda kólemi $3,74 mlrd qurady, bul 2020 jyldyń sáıkes kezeńindegi kórsetkishten 32%-ǵa artyq jáne 2019 jylǵy pandemııaǵa deıingi deńgeıden anaǵurlym asyp túsedi. QR Táýelsizdik jyldarynda Túrkııa Qazaqstan ekonomıkasyna shamamen $5 mlrd ınvestısııa saldy, QR-nyń Túrkııaǵa salǵan ınvestısııa kólemi $1,1 mlrd qurady. 

Bıyl Qazaqstan men Túrkııa arasyndaǵy dıplomatııalyq qarym-qatynastyń ornaǵanyna 30 jyl tolady.

Sońǵy jańalyqtar

Uqsas jańalyqtar