Qazaqstan • 17 Qańtar, 2022

Jýrnalısterdiń quqyqtaryn qorǵaý máseleleri talqylandy

36 ret kórsetildi

AQDM qoǵamdyq uıymdarmen jýrnalısterdiń quqyqtaryn qorǵaý máselelerin talqylady, dep habarlaıdy Egemen.kz.

Búgin mınıstrlik basshylyǵy úkimettik emes uıymdardyń («Adam quqyqtary jáne zańdylyqty saqtaý jónindegi Qazaqstan halyqaralyq bıýrosy» QB, «Ádil sóz» sóz bostandyǵyn qorǵaýdyń halyqaralyq qory» QQ, «Soltústik Qazaqstan Quqyqtyq medıa-ortalyǵy» QQ, «Internews Network» Qazaqstandaǵy ókildigi jáne t.b.) ókilderimen onlaın-formatta kezdesý ótkizdi. Kezdesýde aǵymdaǵy jyldyń qańtar aıynda Qazaqstan boıynsha ótken jappaı tártipsizdikter kezinde ustalǵan jýrnalısterdiń quqyqtaryn qorǵaý jáne iske asyrý máseleleri talqylandy.
 
Aqparat jáne qoǵamdyq damý vıse-mınıstri Kemelbek Oıshybaev óz sózinde Mınıstrlik narazylyqtar bastalǵannan jýrnalısterdiń quqyqtaryn saqtaý jáne qorǵaý boıynsha ishki ister organdarymen ózara tyǵyz is-qımyl atqarylǵanyn atap ótti.
 
Kelesi BAQ ókilderine ákimshilik qamaýǵa alý merzimi men aıyppul mólsherin azaıtyldy: «Shyǵys Aqparat» JShS tilshisi Daryn Nursaparov, «Kókshe-Azııa» aqparattyq agenttiginiń shef-redaktory Nurjan Baımoldın, «Ýralskaıa nedelıa» gazetiniń bas redaktory Luqpan Ahmedıarov, «Jemqorlyq jáne zań gazeti» gazetiniń bas redaktory Qalamqas Botabekova. Sondaı-aq qamaýǵa alynǵan ózge de jýrnalıster istiń aq-qarasy anyqtalǵan soń sol kúni quqyq qorǵaý organdary qyzmetkerleri tarapynan bosatyldy.
 
ÚEU ókilderi tarapynan jýrnalısterdiń quqyqtyq mártebesin arttyrýdy bekitý, sondaı-aq mıtıngiler kezinde BAQ ókilderimen qalaı ózara is-qımyl jasaý boıynsha quqyq qorǵaý organdarynyń qyzmetkerlerin oqytý usynystary aıtyldy.
 
Sonymen qatar mınıstrlik jýrnalıster men BAQ ókilderiniń qyzmeti QR zańnamasy, sondaı-aq beıbit jınalystarǵa qatysatyn jýrnalıstiń (BAQ ókiliniń) qyzmet Qaǵıdalary jáne Jýrnalısterdiń quqyqtary buzylǵan jaǵdaıda olardyń quqyqtaryn qorǵaý reglamenti sheńberinde júzege asyrylatynyn eske salady.
 
Kez kelgen jýrnalıst óz quqyqtary buzylǵan jaǵdaıda Mınıstrlik kómegine júgine alady. Mınıstrlik óz tarapynan jýrnalıst quqyǵyn qorǵaýǵa jáne olardyń kásibı qyzmetin júzege asyrýyna jaǵdaı jasaýǵa árdaıym daıyn.
Sońǵy jańalyqtar

Uqsas jańalyqtar