Indetke shaldyqqandardyń jalpy sany 35 162 adamǵa jetti. Sımptomy bilingenderi 78 paıyz bolsa, qalǵanynyń belgileri joq. Sonyń ishinde sońǵy táýliktegi aýyrǵandardyń sany 59 adam bolyp otyr. Onyń 31-i Petropavl qalasynan shyqty. Aýdandar arasynda naýqasy belgili bolǵan 9 adamy bar Qyzyljar aýdany kósh bastaýda. Esil, Taıynsha, Shal aqyn aýdandarynda da 4-6 adamnyń boıynan indet tabylǵan.
Qazir oblysta indetti anyqtaý boıynsha tórt zerthana jumys isteıdi. Olar jaman indet bastalǵannan beri 570 myńnan artyq adamdy (keıbirin eki retten) PTR testileýden ótkizgen.
Búginge deıin oblys aýmaǵynda 281 067 adam vaksınanyń birinshi komponentin, 258 773 adam ekinshi komponentin ekkizdi. Byltyr 8 jeltoqsannan bastap revaksınalaý engizilgeni belgili. Qazir vaksınanyń tolyq kýrsyn alǵandardyń ózi úsh aıdan keıin revaksınalaýdan ótedi. Búginge deıin oblysta 41 693 adam qaıta vaksına aldy. «Faızer» vaksınasyn alǵandar sany – 7 232 adam, sonyń ishinde 5 510 jasóspirim jáne 1 489 bala emizetin analar, 233 aıaǵy aýyr áıelder ekpe aldy.
Monıtorıngtik toptardyń jumysy da jalǵasýda. Jańa jyldan beri olar 105 nysandy qamtyǵan 26 reıd ótkizdi. Ashyq jobasynyń talaptaryn oryndamaǵandarǵa jalpy somasy 7 mln teńgeden asqan 168 aıyppul salyndy.
Shekaradan ótken adamdardy testileý barysynda barlyǵy 316 adamnyń boıynan indet tabyldy. Onyń 275-i ambýlatorııalyq emdelýge jiberilip, 41-i ınfeksııalyq stasıonarǵa jatqyzyldy. Al 1 746 adam PTR anyqtamasy bolmaǵandyqtan shekaradan ótkizilmedi.
О́ńir qazir tótenshe jaǵdaıdyń da «sary» deńgeıinde. Bul óńirdiń qaýipten tolyq arylmaǵanyn bildiredi. Áli de lańkestik qaýip týýy múmkin. Sondyqtan 26 qańtarǵa deıin quqyq qorǵaý organdarynyń jedel jumystary jalǵastyrylady. Petropavldaǵy jáne keıbir aýdan ortalyqtaryndaǵy mańyzdy memlekettik jáne strategııalyq nysandar qatań kúzetiledi.
Soltústik Qazaqstan oblysy
