Elimizdiń qutqarý qyzmeti kóktemgi tasqyn aldyndaǵy daıyndyqtaryn kúsheıtip jatyr. Buǵan deıin birneshe óńirde kún kúrt jylynsa, sýdyń deńgeıin kóterilip, turǵyn úılerdi basyp qalýy múmkin degen boljam jasalǵan. Bul týraly KTK telearnasy habarlady.
Qazirgi kúnderi, ásirese Aqtóbe jáne Batys Qazaqstan oblystarynda qardyń jyldaǵy mólsherden artyq jıylyp turǵany qatty qaýip tóndirip otyr. Endi qar erigennen keıin aımaqtardaǵy ondaǵan eldi mekendi tasqyn sýdyń qasyp qalýy ábden yqtımal.
Osyǵan oraı bul kúnderi Aqtóbede komýnaldyq mekemeler kúni-túni jumys isteýde. Sońǵy 3 apta ishinde qala syrtyna 200 myń tonna qar shyǵarylǵan. Munshalyqty qar bul óńirde buryn-sońdy bolmaǵan. Tipti polıgonǵa qardyń syımaǵany sonsha, qazir taǵy bir osyndaı oryn ashylǵan.
«Qazvodhoz» mekemesi ókilderiniń aıtýynsha, sý qoımalaryndaǵy ylǵaldyń deńgeıin kúnde ólshep otyr. Aımaqtaǵy eki aýdan, atap aıtqanda, Yrǵyz ben Oıyldy sý basyp qalý qaýpi bar. Sondaı-aq Aqtóbe oblysy boıynsha 59 áleýmettik nysan myqty baqylaýǵa alynady. Sebebi, kún birden jylynsa, bular da topannyń astynda qalyp qoıady. Ázirge kommýnaldyq mekemeler sınoptıkterdiń boljamyna qarap tirlik jasap jatyr. Al aýa raıy boljamy kúnniń jýyq arada kún kúrt jylynbaıtynyn aıtady.
Jaıyqtyń erneýinen asyp ketpeýin oılaǵan Batys Qazaqstan oblysynyń qutqarý qyzmeti tasqynǵa daıyndyqtaryn eki aı buryn bastap ketti. Sondaı-aq, ózenge kep quıatyn saǵalar men shaǵyn kólder de únemi baqylaýda. О́ıtkeni, úsh jyl buryńǵy apat osy asa úlken qaýip týdyrmaǵan aımaqtardan kelgen. Sol kezde 38 eldimekendi sý basyp, talaı adam baspanasyz qalǵan bolatyn.
Bıylǵy kúzde jańbyr da jyldaǵydan kóp jaýdy. Sonyń áserinen topyraq ábden jipsip, oǵan endi erigen qar aralassa arty tasqynǵa ulasý qaýpi tónip tur. Qutqarýshylardyń erte qımyldaýyna túrti bolǵan sebepterdiń biri osy. Qazir batysqazaqstandyq sheneýnikter apattyń aldyn alý sharalaryna 152 mln teńge aldy. Qaýipti aımaqtardyń bárinde janar-jaǵarmaı, qum men shaǵyl tastardyń qajetti qory jınalyp jatyr. Arnaıy jasaqtalǵan toptar endi aldaǵy bir aptanyń ishinde bárine saqadaı-saı otyrmaq.
Ońtústik Qazaqstan oblysynda da tasqynǵa qarsy kúreske daıyndyq júrýde. Aýdandarda aryqtardyń jaǵasy túgel bekitildi. Mınıstrdiń ózi Syrdarııanyń jıegin áýeden birneshe márte sholyp shyqty. Seldiń kesirinen keptelis bolyp, sý arnasynan asyp ketpes úshin, qazir ózenderdegi muzdar da jarylyp jatyr.
Máselen, taıaýda Arys aýdanynda birneshe jylqy sýǵa batyp ketken edi. Osydan keıin jergilikti ákimdikter qatań eskertý alyp, saqtyq sharalaryn jasaýǵa kirisip ketti.
Murat Aıtqoja.
Derekóz: KTK arnasy.
Foto: Dıapazon.
