Qoǵam • 19 Qańtar, 2022

Múgedekterge beriletin járdemaqynyń ortasha mólsheri belgili boldy

168 ret kórsetildi

Búgingi kúni múgedektigi boıynsha memlekettik áleýmettik járdemaqylardyń ortasha mólsheri 51 094 teńgeni, asyraýshysynan aıyrylý jaǵdaıy boıynsha memlekettik áleýmettik járdemaqylardyń ortasha mólsheri 43 836 teńgeni qurady, dep habarlaıdy Egemen.kz.

«2022 jylǵy 1 qańtardaǵy jaǵdaıǵa sáıkes, múgedektigi boıynsha memlekettik áleýmettik járdemaqy alýshylardyń sany 529,3 myń adamdy, asyraýshysynan aıyrylý jaǵdaıy boıynsha 168,3 myń adamdy quraıdy», dep habarlady QR Eńbek jáne halyqty áleýmettik qorǵaý mınıstrliginiń baspasóz qyzmeti. 

Vedomstvonyń málimetinshe, 2021 jyly qazaqstandyqtarǵa múgedektik jáne asyraýshysynan aıyrylý boıynsha járdemaqy túrinde 391 mlrd teńgeden astam qarjy tólendi.

2021 jyly respýblıkalyq bıýdjetten múgedektik boıynsha memlekettik áleýmettik járdemaqylardy tóleýge 310,6 mlrd teńge, asyraýshysynan aırylý jaǵdaıyna 81,3 mlrd teńge baǵyttaldy.

2021 jylǵy jeltoqsanda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 27 mlrd teńge, asyraýshysynan aırylý jaǵdaıyna 7,4 mlrd teńge baǵyttaldy.

Múgedektigi boıynsha jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektik toby men sebebine, qaıtys bolǵan (qaza tapqan) asyraýshysynyń asyraýyndaǵy adamdardyń sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómen kúnkóris deńgeıiniń shamasyna baılanysty bolady.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar