IIM baspasóz qyzmeti «quqyqtyq tártip» jedel aldyn alý sharasy 19 qańtardan bastap Astana men Almatyda, sondaı-aq tótenshe jaǵdaı rejımi alyp tastalǵan Almaty, Atyraý, Jambyl, Qyzylorda jáne Mańǵystaý oblystarynda ótkiziletinin habarlady.
Sharanyń maqsaty – jaǵdaıdy jaqsartý jáne quqyqtyq tártip pen qaýipsizdikti qamtamasyz etý. Shara aıasynda óńirlerde:
- quqyq belgileıtin qujattardy tekserý jáne kólik quraldaryn, sondaı-aq jeke tulǵa qujattaryn tekserý, olardyń jeke jáne zattaryn tekserý;
- jaldamaly páterlerdi, ıen turǵan úılerdi, hostelderdi, saıajaı alqaptaryn, bazarlardy, tehnıkalyq qyzmet kórsetý stansııalaryn, sharýa jáne fermer qojalyqtaryn, shalǵaıdaǵy ýchaskelerdi, qystaqtardy jáne basqa da shalǵaı jerlerdi tekserý;
- atys, travmatıkalyq jáne sýyq qarýdy, oq-dárilerdi, jarylǵysh zattardy jáne t.b. tárkileý;
- belgili bir turǵylyqty jeri joq adamdardy, zańsyz kóship-qonýshylardy anyqtaý;
- buryn sottalǵan jáne ishki ister organdarynda esepte turǵan ózge de adamdardy tekserý.
IIM azamattardy jedel-profılaktıkalyq is-sharany ótkizýge túsinikpen qaraýǵa jáne polısııa qyzmetkerleriniń talaby boıynsha qujattardy usynýǵa shaqyrady.
